Galletas de cacahuete con corazón de chocolate

 Bo día, bolboreteirxs! Que tal estades? Aquí vos traemos outra lambonada para adozarvos e darvos ideas de sobremesas, xa que agora vai comezar a época de festas e de xuntármonos máis coa familia e amizades. 

Estas son unhas galletas moi saborosas de crema de cacahuete ás que lle damos un toque especial engadíndolles ese bombón de chocolate (que podedes escoller o que máis vos guste). Así mesmo, se as queredes facer máis chocolateadas poderíamos agregar chocolate na masa da propia galleta. 

De todas formas, aquí vos deixamos a receita: 

Galletas de cacahuete con corazón de chocolate

Ingredientes:

• 200 g de crema de cacahuete
• 160 g de fariña
• 115 g de manteiga      
• 90 g de azucre moreno
• 80 g de azucre branco
• 1 ovo

Galletas de dous chocolates

 Bo día, Bolboreteirxs! Por aquí estamos de novo, como nos tardaba volver publicar receitas, xa que é un dos nosos pasatempos preferidos, aínda que imos intentar publicar todas as semanas algunha receita, non podemos prometer que non vaiamos fallar algunha: as clases, os peques e a vida en xeral non deixan moitas veces tempo para sentarnos a escribir. 

Cada día que pasa temos máis claro que os mellores regalos son as experiencias e o tempo que investimos coas persoas que nos rodean, e tamén os agasallos que facemos nós mesmas, xa que implica dedicarlle un tempo (moi valioso) en facer algo por alguén. Por iso, as galletas sempre son unha boa opción, simplemente para sinalar que estivemos pensando nelas e queríamos ter un pequeno detalle. Estas, en concreto, foron para complementar un regalo moi especial que fixemos e que, sabemos seguro,  gozaron cada unha das galletas que ía no paquete. 

Esta receita é unha versión dunhas galletas de Alma Obregón que esperamos que a vós tamén vos encanten! 

Galleta de dous chocolates

Ingredientes:

• 220 g de chocolate negro/con leite
• 150 g de chocolate branco
• 150 g de panela    
• 100 g de fariña
• 75 g de manteiga
• 50 g de azucre branco
• 25 g de cacao puro en po
• 2 ovos

Galletas con chispas de chocolate recheas

Bo día, bolboreteirxs! Hoxe traémosvos unha receita moi moi lambona, unhas galletas deliciosas e moi chocolateadas. Tíñamos ganas dunhas galletas recheas e cando nos convidadaron uns amigos a merendar a semana pasada, non o dubidamos, esta era a receita perfecta. 

Tiñamola anotada desde hai tempo porque son destas lambiscadas que nos levan a vida cando pasamos por diante dunha pastelaría e ademais, non adoitan ser baratas. Así pois, esta era unha moi boa oportunidade para nos dar unha homenaxe e gozar do crocante que sempre presta das galletas e da cremosidade exitosa que ofrecen sempre as famosas cremas de cacao.  Unha combi das que triunfa e que non podemos máis que vola recomendar porque... si, é unha auténtica delicia!

Galletas con chispas de chocolate recheas

Ingredientes:

• 250 g de fariña
• 150 g de azucre
• 110 g de manteiga              
• 1 ovo
• 1 cullerada de vainilla
• 3 g de lévedo
• 3 g de bicarbonato

Galletas natalicias

Bo día, bolboreteirxs! Facer galletas é un dos plans favoritos dos días de choiva ou de frío que non apetece moito saír da casa; ademais, se as facemos en familia todo é máis especial, porque os peques sempre están moi motivados. Alén disto, cando as galletas estean feitas podemos facer un chocolate quentiño mentres desfrutamos dunha película xuntos. 

Estas galletas tamén son ideais para regalar, meténdoas nunhas bolsiñas bonitas cun lazo, ou incluso para facer adornos para a árbore comestíbeis. Son agasallos do máis especial, xa que están feitos con todo o noso cariño e amor. 

Galletas natalicias

Ingredientes: 

Para as galletas: 

• 145 g de fariña 
• 50 g de fariña de améndoa        
• 115 g de manteiga 
• 60 g de azucre glas 
• 1 culleriña de vainilla 

Galletas con abelás e chocolate

Bo día! Empezamos semana con forza e, para iso, queremos compartir con vós a última receita que fixemos esta fin de semana. A verdade é que estes días están sendo moi caseiros por mor do tempo que estamos tendo e, como o peque cada vez mostra máis interese pola cociña, é un bo recurso para estarmos entretidos e, de paso, facermos unha lambonada. A verdade é que estas galletas quedan deliciosas. Partimos dunha base sinxela mais ao engadirlle as abelás, o chocolate e a decoración coas boliñas de cores resultan espectaculares. Así que aquí vos deixamos a receita. 

Galletas con abelás e chocolate

Ingredientes: 

• 250 g de fariña 
• 150 g de manteiga 
• 100 g de azucre 
• 100 g de panela        
• 1 cullerada de vainilla
• 1/2 culleriña de bicarbonato 
• 1 ovo 

Torta de queixo con marmelada (sen forno)

Boa noite, bolboreteir@s. Como estades?? Nós tivemos unha fin de semana moi lambona. Aproveitamos para estar con amizades que hai tempo non estabamos e para cociñarmos moito: lasagna, croquetas, costela e... unha sobremesa de peso: torta de queixo. 

A verdade é que estamos ante un clásico co que nós non encaixamos demasiado. Parece pois contraditoria a receita, claro. Pero explicámonos. Moitos das tortas de queixo que temos probado por restaurantes e demais presentan para nós un sabor moi intenso polo que  xa rara vez as pedimos de sobremesa. Mais a semana pasada gardáronnos un cacho uns veciños que tiveran a peque de aniversario. E vaia, gustounos moito. E por que non lle damos outra oportunidade?

E así foi, ante a visita que tiñamos o sábado, preparamos unha torta de queixo fría, seguindo a receita desta amiga, moi sinxela e demos cun resultado espectacular: moi lixeira e  sabedeira. Ollade!

Torta de queixo con marmelada 

Ingredientes:

Para a base:

• 300 g de galletas tipo digestive
• 110 g de manteiga

Para a crema:

• 400 g de queixo crema      
• 250 ml de agua

Torta Arco da Vella (1º aniversario do Xiao)

Boa noite, bolboreteir@s! Hoxe imos traervos unha das receitas máis especiais que aquí presentamos pois é a elaborada para o primeiro aniversario do peque da casa, do Xiao. 

Para non xuntarnos moitos tivemos celebracións en varios días e a verdade é que levamos unha boa tempada de doces. Algúns mercados e outros como o que aquí presentamos hoxe, feitos na casa con toda a ilusión e agarimo posíbeis. 

Tiñamos moitas ganas desde hai tempo de elaborar unha torta deste estilo e este era o momento ideal. Cun pouco de paciencia e tempo, logramos unha larpeirada apetitosa desde a primeira ollada até o último bocado. Que gozada! Imos por ela.

Torta Arco da Vella

Ingredientes:

Para o biscoito:

• 400 g de fariña  
• 400 ml de aceite de xirasol
• 400 g de azucre
• 20 g de lévedo en po
• 3 culleradas de vainilla
• 8 ovos
• Colorantes

Para o recheo e decoración:

• 525 g de manteiga
• 330 g de azucre
• 6 claras de ovos

Torta de tres froitas

Bo día, bolboreteir@s! Hoxe levantámonos moi lambóns así que dixemos, e por que non presentamos hoxe unha larpeirada potente?  E así foi que trouxemos esta torta de tres froitas que non deixa nada que envexar á de tres chocolates, por poñer un exemplo.

Esta creación veu dada con motivo do pasado Día da Nai, no que algunhas eramos homenaxeadas por primeira vez. Procuramos na rede ideas de tortas e vimos que a combinación das cores derivadas das froitas quedaban moi ben así que pensamos en procurar unhas ben intensas en cor para facer unha fermosa combinación. 

Aquí tedes os pasos e o resultado.

Torta de tres froitas

Ingredientes:

Para a base: 

• 1 paquete de galletas tipo Digestive
• 2-3 culleradas de manteiga

Para a 1ª capa: 

• 375 g de arandos
• 180 g de leite condensado
• 120 ml de auga
• 15 g de xelatina en po

Torta da avoa

Pero como podía ser, amig@s, que case 7 anos e 600 receitas despois non tiveramos no blogue unha das nosas receitas "fetiche"? Estabamos alucinados cando nos decatamos deste oco na nosa listaxe. Mais a solución foi sinxela. Poñémonos inmediatamente coa creación. E con isto non tardamos moito porque temos cada un dos pasos ancorados na nosa memoria pois son moitos anos recreando esta lambetada na nosa casa, tanto pola nosa parte como da mamá e a avoa.

Sexa como for, alén de clásica, é para nós unha das sobremesas máis efectivas nos fogares e restaurantes galegos. Unha combinación sinxela que serve para pór o broche larpeiro perfecto a calquera menú. Hai diversas variantes e aquí vos deixamos a nosa para que comparedes ou poñades en práctica.

Torta da avoa

Ingredientes: 

• 2,200 l de leite
• 3 sobres de Flanín
• 150/200 g de chocolate Paladín
• Galletas tipo “María”
• Viño doce

Galletas de cacahuete

Bo día, bolboreteir@s! Como andades? Por aquí moi contentos pois estas semanas próximas imos ter moitas novidades en Bolboretas no bandullo e andamos metidos de cheo argallando nelas.

Seguro que algúns e algunhas de vós andaredes xa dicindo ao ver a receita: que tipos, aínda aguantaron sen lambetadas despois do Nadal! Pois ben certo, a verdade é que nos leva a vida. Sexa por unha cousa ou outra. Aínda que desta vez tiñamos boa excusa. Unha amiga convidounos a coñecer a súa nova casa e claro, xa sabedes, algo doce sempre se levou ;-)

Así pois, desde que nos regalaron o libro de Las mejores recetas de Dulce sentimiento de Mirta Escudero tiñamos en mente esta receita coa crema de cacahuete como protagonista e non o pensamos un momento. Aquí están!

Galletas de cacahuete

Ingredientes:

• 230 g de fariña
• 150 g de crema de cacahuete
• 120 g de azucre
• 100 g de manteiga

Trufa de mazapán

Rematamos o ano de maneira doce, como non podía ser doutra forma. Tal e como foi o 2019 para nós. E agardamos que para vós tamén. Que por certo, onte cumprimos xa 6 anos de Bolboretas no bandullo. Como pasa o tempo!!!!

Ben, pois imos partir dun clásico nas sobremesas de Nadal mais cunha reviravolta. Os mazapáns non adoitan faltar nos fogares galegos mais é certo que ao igual que os acompañantes doces adoitan ser mercados xa que nestes menús natalicios xa se inviste moito tempo no resto dos pratos. Pois ben, como vimos dicindo xa noutras publicacións destas datas, nós animámosvos a deixardes uns minutos tamén para preparar algunha sobremesa vós mesmos. E precisamente os mazapáns é un deses pratos que gaña moito moitísimo na versión caseira. Somos conscientes de que outros produtos (véxase o turrón de Suchard) logran un sabor inconfundíbel que é difícil de imitar ou superar mais noutros como no caso que aquí hoxe presentamos, imos superar por moito a versión comercial. Ademais, dándolle unha nova volta. Velaquí está!

Trufa de mazapán

Ingredientes:

• 300 g de améndoa moída
• 200 g de azucre glas
• 100 g de galletas "maría"

Pequetrufas

Bo día, bolboreteir@s! Aquí estamos nun dos días máis especiais do ano traéndovos unha receita ideal para preparar cos reis da casa, polo menos nestes días. Andabamos argallando nestes días lambetadas deste tipo para aquelas xornadas en que nos toca cociñar cos máis pequen@s e demos con esta idea, sumamente sinxela. Iso si, para días especiais pois como vedes non é a merenda ou sobremesa máis saudábel do mundo.

Iso si, sabemos que garanten un momento moi divertido de amasado e triturado e sen ningún tipo de risco. De feito, aquí poden encargarse practicamente da totalidade das tarefas. O noso non, que ten catro meses, pero para @s que comezan na cociña resulta do máis axeitada.

Pequetrufas

Ingredientes (para 10 trufas):

• 7 galletas Príncipe

Torta tenebrosa

Bo día, amig@s! Como vai. Aquí andamos emocionados xa coa chegada da primeira festa temática do outono. Aproxímase o Samaín, que por sorte vén recuperando terreo nos últimos anos e que nós queremos reforzar desde Bolboretas no bandullo coa creación de receitas axeitadas. Ademais, évos unha festa que dá moi ben co noso carácter. Xa sabedes, aquí somos moi de ánimas en pena, cemiterios e contos de medo arredor da lareira antigamente e agora pois... arredor dunha torta coma esta.

É ideal se tedes peques na casa. O Xiao de momento non dá a súa opinión mais nós imos practicando para cando se emocione máis con estas argalladas gastronómicas de seus pais. Entretanto, agardamos que vos poda servir para darlle un pouco de sabor e escuridade a estes días que se aproximan. Aquí a tedes.

Torta tenebrosa

Ingredientes:

Para o biscoito:

• 200 g de manteiga
• 200 g de azucre
• 190 g de fariña
• 4 ovos
• 1 cullerada de vainilla
• 1 cullerada de cacao puro

Madalenas frías de chocolate (sen forno nin microondas)

Boa tarde, bolboreteir@s!! Vai moitísima calor e talvez se nos derreta a receita de hoxe só de vola presentar mais tiñamos moitas ganas de doce e non puidemos resistir ante esta delicia. 

Esta creación é ideal para os lambóns e lambonas máis folgazanas pois crearán unhas madalenas exitosas sen preocupacións de que quede ben ou non a masa. Iso si, tedes que gustar do chocolate. Aínda que supomos que iso non será un problema, non?

Ben, fixádevos que larpeirada e ollo, non molledes o teclado babexando ;-)

Madalenas frías de chocolate

Ingredientes (para 8 madalenas):

• 210 g de crema de cacao
• 150 g de chocolate 
• 16 galletas redondas

Galleta de chocolate e arandos no microondas

Bo día, bolboreteir@s!! Aquí vos presentamos a última creación, destas que mandamos para a categoría de receitas fugaces e que tanto nos prestan.

Ao igual que os biscoitos de tres minutos (os famosos mugcakes) este tipo de lambetadas veñen moi ben para os almorzos cun chisco máis de tempo mais sen moito esforzo tampouco. Para @s que vos erguedes con tempo pola semana, podédeslle dar uso calquera día e os demais, aproveitádela o día libre para vos dar unha pequena homenaxe. 

Sexa como for, ollade que receita máis recorrente!

Galleta de chocolate e arandos no microondas

Ingredientes:

• 65 g de fariña integral
• 50 g de azucre
• 20 g de copos de avea
• 20 g de aceite de oliva
• 1 ovo
• 1 culleriña de vainilla
• 1/2 culleriña de bicarbonato
• Un chisco de sal

Bolachas de cacao e anacardos

Bo día, bolboreteir@s! Esta semana traemos a receita cun chisco de atraso mais para compensar, imos adozarvos a semana cunha receita saborosísima para almorzos, merendas ou sobremesas cunhas cantas calorías menos que as bolachas de super.
Tiñamos ganas de algo con chocolate. Si, son habituais os antollos deste tipo nestes meses hahaha e decidimos cumprir o capricho mais cun larpeirada un tanto máis saudábel.
Habitualmente as galletas veñen sendo receita sinxela e esta aínda máis pois apenas temos o proceso do amasado. Ademais, nós que xa pensamos moito nisto, este tipo de creacións gusta moito a peques. Sempre tentamos fomentar a relación de peques e cociña, entre outros aspectos polo ludismo e o fomento da creatividade. Ben, a por elas!

Bolachas de cacao e anacardos

Ingredientes:

• 150 g de anacardos ao natural
• 90 g de avea moída
• 30 g de cacao en po

Paté de olivas negras

Bo día, bolboreteir@s! Como vai a entrada deste outono con aspecto estival? Agardamos que esteades a desfrutar do sol e tamén das terrazas, que estes días aínda prestan moito. Ben, falando de terrazas, esta semana fomos xantar a unha cafetaría da Coruña que non coñeciamos, o Grand Cru Café La Cantera (na rúa Cidade de Lugo). Situada fronte ao Palacio da Ópera, collemos sitio nunha terraza do máis agradábel e na que nos sorprendeu moi agradabelmente a calidade dos produtos. Alén dos pratos principais (canelóns de filloas e hamburguesa de chocos na súa tinta), quedamos conquistados cun petisco que nunca antes probaramos, un paté de olivas que hoxe vos imos presentar aquí. O bo, haino que compartir!

Paté de olivas negras

Ingredientes:

• 100 g de olivas negras
• 1 cullerada de alcaparras
• 3 culleradas de zume de laranxa
• 2 culleradas de aceite de oliva
• 1 culleriña de tomiño
• 1/2 culleriña de ourego

Galletas de vainilla e framboesa

Boa tarde, bolboreteir@s! Andamos a tope estes días e temos o blogue un chisco marxinado mais nunca esquecido. De feito, andamos creando a receita case ao tempo que a publicamos. De feito, aínda podedes percibir que estas galletas están quentiñas, non?
Pois fixámonos que había tempo que non publicabamos nada de repostaría en Bolboretas no bandullo e optamos por algo rápido, sinxelo e efectivo.
Ultimamente estamos a ter moitas visitas na casa e non sempre convén tirar dos bombóns Lindt ou Nestlé. Senón vaia blogueiros, haha. Así pois, con creacións coma estas, gardamos un recurso para as merendas mais tamén para sobremesas ben saborosas.
Ides ver que optamos por sabores tradicionais, vainilla e framboesa mais xa sabedes. Isto vai no gusto de cada quen. A idea deixámosvola aquí!

Galletas de vainilla e framboesa

Ingredientes (para unhas 12-14 galletas):

• 280 g de fariña
• 125 g de manteiga
• 100 g de azucre
• 1 ovo
• 1 cullerada de vainilla

Bolachas saudábeis de avea e plátano

Bolboreteir@s, xa estamos de novo por aquí para tentar adozarvos o día aínda que hoxe ímolo facer de forma moi saudábel. Si, doce e saudábel son totalmente compatíbeis aínda que moitas veces afastatemos estes termos pola asociación co azucre refinado e os procesados.

Pois como comezamos esta semana con ansias de larpeiradas, pensamos en algo que cumprise cos criterios desexados. Desta volta, inspirámonos nunha receita dunha conta de Instagram (@megasilvita) e aproveitando que contabamos con todos os produtos pola casa non tardamos en executala.

Ademais, estamos ante unha certas receitas que serven para calquera parte do día. Nós comezamos aproveitando para a sobremesa, almorzamos con ela e chegaron até a merenda. Cumpren nos diferentes momentos con éxito. 

Tampouco perderedes tempo pois é cuestión de combinar ingredientes, pór no forno e a agardar. Velaquí están!

Bolachas saudábeis de avea e plátano

Ingredientes:

• 2 tazas e media de avea
• 1 taza de bebida de améndoa/avea...
• 2 plátanos maduros
• 2 culleradas de sésamo tostado
• 1 cullerada de vainilla

Bolachas de Suchard

Aínda que o poda parecer, a intención desta receita non é promocionar a marca suíza de turróns aínda que si é verdade que, para nós, está moi riba de calquera outra, exceptuando o turrón caseiro, claro.

Así pois, onte tiñamos ganas de preparar unhas bolachas, a idea primeira era facer os tradicionais bonecos de xenxibre mais finalmente quedounos o molde en Viveiro polo que optamos por outras mais procurando o fío do Nadal.

Ollando o que había pola lacena chegamos ao prezado Suchard e chas! idea! Para a próxima probamos cos bombóns Lindt, hahaha. Ben, pois mans á obra seguimos un patrón similar ao das cookies coa intensidade que sabiamos ía dar a estrela da repostaría natalicia e así foi.

A pesar de que non teñen complexidade, botádelle un ollo á receita para seguirdes un consellos fundamentais. Aí vai:

Bolachas de Suchard

Ingredientes:

• 250 g de suchard
• 250 g de fariña de trigo
• 100 ml de aceite de oliva suave
• 50 g de azucre moreno
• 1 ovo