Brownie estilo "Rocky Road"

 Ola, bolboreteirxs! Que tal estades? Hoxe traémosvos unha receita moi moi lambona, xa sabedes que nós o somos 😋, mais tamén é bastante aditiva, quedades avisadxs!!

 Como vos afeccionados aos brownies (xa compartimos por aquí varias opcións: con crema de queixo, con doce de leite, de chocolate branco, de froitos vermellos, a versión clásica, unha rápida, outra de garavanzos e outra de galletas "Oreo"), descubrimos unha nova versión agregándolle na superficie unha mestura de chocolate, nubes e froitos secos e, como non podía ser doutra maneira, tivemos a tencación de probala e que xenial idea! Casan perfectamente e menuda "gochada" máis saborosa. 

Tamén temos que sinalar que o momento ideal é calquera mais é unha bomba! Aquí vos deixamos a receita: 

Brownie estilo "Rocky Road"

Ingredientes:

• A nosa receita de brownie favorita    
• 75 g de nubes
• 75 g de abelás (ou calquera outro froito seco)
• 75 g de chocolate

Brownie de cabaza

Xa case estamos na noite de Samaín ou no Día de Defuntos, dous festexos moi similares con diferente aparencia e no que as almas, os mortos, os nosos ancestros… están en posición de honra. Para nós estes días non faltan castañas, cabazas e en xeral, gañas de sobremesas, como sempre, así que escollemos un dos nosos doces de referencia, o brownie. Mais claro, o toque samaínico vén na integración da cabaza, que lle dá unha suavidade e cremosidade que fai que a súa achega sexa moito máis que un simple motivo destas datas.

Ollo porque é unha sobremesa orixinal e moi saborosa para crear o noso menú de Defuntos. E ides ver ademais que non vos vai quitar apenas tempo. Sinxela e rápida!

Brownie de cabaza

Ingredientes: 

Para o brownie:

• 200 g de chocolate 
• 175 g de manteiga     
• 150 g de panela

Brownie en 5 minutos

Bo día, bolboreteir@s. Esperamos adozarvos un pouquiño o día de hoxe cunha receita das que hai que gardar na rede si ou si, imprimila ou enmarcala, posto que nos ofrece unha das larpeiradas máis doces e apetecíbeis cun traballo case ridículo.

Falamos do brownie. Se ollades polo noso blogue, na listaxe de receitas comprobaredes que o índice da letra B é maior. Débese á cantidade de brownies diferentes que levamos feitos e sen saber cal é o máis saboroso. Mais si sabemos cal é o máis sinxelo, con moitísima diferenza. 

Apenas 5 minutos de amasado e despois... que traballe o forno, que para iso está. Ollade o bo de ter estas indicacións á man.

Brownie en 5 minutos

Ingredientes:

• 200 g de azucre
• 100 g de fariña
• 100 g de manteiga
• 50 g de cacao en po 0%
• 2 ovos

Brownie de garavanzos

Boas, bolboreteir@s!! Que tal a fin de semana? Aproveitando estes días estivais que nos viñeron para recordar as vacacións, non? Nós aproveitamos para pasear o peque mais tamén para preparar algunha que outra receita que agardamos que vos sorprenda. Xa desde o título dicimos: como? brownie e garavanzos? Hai alianzas ben estrañas mais que cando mostran o seu potencial sorprenden enormemente. E este é o caso. O pretexto desta volta xorde da miña irmá e os amigos que fixeron un xantar no que este legume había de ser o protagonista. Moi ben mais o caso era preparar o doce, claro.
Pois nada, era cuestión de poñerse e de darlle liberdade á imaxinación. E velaquí está! Agardemos que gustedes:

Brownie de garavanzos

Ingredientes:

• 200 g de garavanzos
• 150 g de zume de laranxa
• 140 g de azucre. moreno
• 50 g de cacao puro en po
• 3 ovos

Brownie de froitos vermellos

Ola, bolboreteir@s! Canto había que non preparabamos un doce coma este. O brownie é unha das nosas larpeiradas favoritas e non falla cando nos queremos dar unha homenaxe, subir o ánimo ou simplemente desfrutar do chocolate en todo o seu esplendor.
Desta volta necesitabamos un biscoito ou torta para o aniversario da avoa e para non perdermos moito tempo agora que andamos algo enleados co inicio das aulas, optamos por un brownie no que as froitas entrasen en xogo.  

Se quixerdes arrasar entre os vosos comensais ou gozardes inmensamente desta lambetada, esta é a vosa receita. Para non perder!!

Brownie de froitos vermellos

Ingredientes:

• 125 g de framboesas
• 125 g de arandos
• 225 g de manteiga
• 200 g de azucre moreno
• 100 g de chocolate negro
• 50 g de fariña
• 50 g de cacao en po
• 1 cullerada de vainilla

Torta de nubes con brownie e crema de cacahuetes

Ollo, chega a bomba calórica da tempada mais un día é un día e ben nos podemos dar un capricho cunha lambetada das que fican na memoria. Adoitamos preparar tortas cheas de sabor e onde o chocolate ten un papel fundamental e aquí volvemos ter cacao mais moito máis, tamén cor e moitas sorpresas nos primeiros bocados.

Desta volta non foi idea nosa senón que a descubrimos na canle de Home Cooking Adventure e sentimos o impulso de probala. Aproveitamos un aniversario na casa e puxémonos man á masa. A verdade é que non tiñamos a seguridade que ofrecen outras tortas porque aquí as combinacións son, canto menos, estrañas. Así pois, ese temor inicial converteuse en satisfacción ao ver xa o resultado final e especialmente cando metimos a primeira dentada entrándomos nun mundo de dozura e case fantasía. Non era para menos, nubes, chocolate, crema de cacahuete... Coidado que vai a bomba, boooom!

Torta de nubes con brownie e crema de cacahuetes

Ingredientes:

Para o brownie:

• 70 g de azucre
• 55 g de manteiga
• 40 g de c hocolate con leite
• 30 g de fariña 
• 8 g de cacao
• 1 ovo
• 1 cullerada de vainilla
• Un chisco de sal

Para a capa de nubes:

• 160 g de nubes

Brownie con doce de leite

Poucas veces o título dunha receita soou tan lambón, verdade? Pois non pensedes que leva ao equívoco. Nin moito menos. Encontrámonos perante unha das lambetadas máis doces da traxectoria de Bolboretas no bandullo. Tan tan doce, que si, resulta difícil repetir pois cada porción é unha bomba que nos deixa tremendamente satisfeitos. 

E como xa tiñamos elaborado varios brownie con total éxito, aventurámonos a probar unha nova versión coa seguridade do resultado final pois chocolate e doce de leite deben estar no top 5 de lambetadas. Ademais, como estas últimas semanas están a ser moi estadounidenses por cuestións mediáticas, tiramos do caixón unha das últimas receitas, preparada para un aniversario hai un par de semanas e que versiona a receita orixinal creada por un pasteleiro dos EUA cando esqueceu botar o lévedo a un pastel de chocolate, quedando este biscoito non demasiado elevado e sendo máis ben un bloque substancioso cargadísimo de sabor. Aí vos vai!

Brownie con doce de leite

Ingredientes:

• 350 g con chocolate con leite
• 300 g de doce de leite
• 400 g de azucre moreno
• 250 g de fariña
• 230 g de manteiga
• 60 g de cacao puro
• 1 cullerada de vainilla

Brownie con crema de queixo

Xa pensabades que nos esquecéramos do doce despois de tanta receita saudábel? Pois non, podedes estar tranquil@s, que ben sabedes que a nós pérdennos as larpeiradas e non podemos pasar moito tempo sen elas.

E ademais voltamos co brownie, unha das nosas sobremesas preferidas, de gran sona mundial e que aproveitamos para elaborar con certa frecuencia, aínda que desta vez tocou arriscar un pouco con el para ver que saía. Calma, o chocolate segue a ser parte fundamental na receita, por suposto, senón perdería a súa verdadeira esencia. Mais nesta receita gana en frescor a través dun xeitoso contraste entre a suavidade do queixo e a intensidade do cacao.

Recomendamos probar a todo o mundo, posto que, talvez aqueles/as que non gustan do chocolate en exceso adoren esta versión máis moderada e contrastada. O caso é manexarmos opcións de escolla para adozar os días. E xa vedes que temos, e moitas!

Brownie con crema de queixo

Ingredientes:

Para o brownie:

• 200 gr de chocolate negro
• 150 gr de manteiga
• 135 gr de azucre
• 125 gr de fariña
• 50 gr de améndoa
• 25 gr de cacao puro
• 50 ml de café
• 4 ovos
• 2 culleradas de leite (opcional)

Brownie de Oreo

Seguro que algúns/algunhas de vós estades a pensar que nos aborrecemos do chocolate. Non! É un amor eterno, de aí que vexades con tanta frecuencia receitas chocolateiras por aquí. E algunha como a de hoxe que mesmo parece ultrapasar os límite calóricos e tamén chocolateiros. Mais é que vímola na páxina de Alma Cupcakes e non nos puidemos resistir a probala para comprobar nun brownie ese sabor tan particular das oreo. E como diría Rosalía, "non che digo nada... ¡pero vaia!" Que marabilla. E si, un día é un día, non hai que preocuparse polas calorías, haha! Despois xa o compensaremos cun pouco de deporte, froita, verdura... :-)

Canto as Oreo, que contarvos... Cant@s seguidores terán estas bolachas polo mundo adiante... Ollando estes días pola rede, encontramos unha información certamente interesante. Ademais de cumprirse hai dous anos o centenario destas delicias, chamounos a atención que na súa orixe eran bastante máis altas que na actualidade, de aí o nome grego oreo que significa "colina", e sobre todo que sexan o segundo produto alimenticio máis vendido no mundo, e por suposto as gallegas máis populares. Chámanos a atención, mais non nos estraña, porque son un vicio! Ademais a súa sona veuse estendida coas múltiplas variantes. Ultimamente andan na moda as de Halloween, co recheo laranxa. Se é que son criminais! 

A ver que vos parece o proveito que nós lle tiramos: 

Brownie de Oreo

Ingredientes:

• 250 gr de azucre moreno
• 160 gr de manteiga
• 120 gr de fariña
• 70 gr de cacao en po
• 8 galletas oreo, sen a crema
• 2 ovos

Para a decoración: 

• 200 ml de nata

Brownie de chocolate e noces

E como vistes, xa van seis meses con vós, traéndovos semanalmente un pouco de cociña en galego que sabemos que vos gosta :-) E por iso, seguimos, e facémolo cun doce, na liña das últimas receitas. A verdade é que despois deberemos compensar con algunha ensaladiña ou algo, mais o doce tamén é necesario!

Hai tempo trouxéramosvos un brownie algo diferente, de chocolate branco (receita aquí) mais desta volta optamos por unha versión máis clásica, que a verdade, é da que máis gostamos. Así pois, dándolle o noso toque persoal, procuramos elaborar un brownie completo con moito sabor, e sen dúbido, alcanzouse o obxectivo. Aí o tedes.

Brownie de chocolate e noces

Ingredientes:

• 300 gr de chocolate con leite
• 300 gr de azucre
• 200 gr de fariña      
• 175 de manteiga
• 100 gr de noces/abelás/améndoas...
• 4 ovos
• 25 gr de cacao
• 1 culleriña de lévedo
• Opcional: azucre glas ou xarope de amorodo e amorodos

Brownie de chocolate branco

Lambereteir@s, non nos resistimos máis e xa preparamos outra receita doce, perfecta para o almorzo ou para a merenda acompañada dun vaso de zume, un té, unha infusión ou un café.

Como xa saberedes, o brownie é un doce estadounidense, que se descubriu cando un pasteleiro esqueceu botar o lévedo a un pastel de chocolate. Orixininalmente estaba feito con chocolate negro, de aí a súa denominación (brown=marrón); polo que, neste caso, ao ser unha variación da receita orixinal feita con chocolate branco poderiamos chamarlle whitenie (white=branco). 

Brownie de chocolate branco

Ingredientes:

• 200 gr de chocolate branco
• 80 gr de manteiga
• 3 ovos
• 130 gr de fariña
• 150 gr de azucre
• Culleriña de vainilla
• Abelás, ou un froito seco que vos guste
• Chisco de sal