sábado, 30 de setembro de 2017

Torta de nubes con brownie e crema de cacahuetes

Ollo, chega a bomba calórica da tempada mais un día é un día e ben nos podemos dar un capricho cunha lambetada das que fican na memoria. Adoitamos preparar tortas cheas de sabor e onde o chocolate ten un papel fundamental e aquí volvemos ter cacao mais moito máis, tamén cor e moitas sorpresas nos primeiros bocados.
Desta volta non foi idea nosa senón que a descubrimos na canle de Home Cooking Adventure e sentimos o impulso de probala. Aproveitamos un aniversario na casa e puxémonos man á masa. A verdade é que non tiñamos a seguridade que ofrecen outras tortas porque aquí as combinacións son, canto menos, estrañas. Así pois, ese temor inicial converteuse en satisfacción ao ver xa o resultado final e especialmente cando metimos a primeira dentada entrándomos nun mundo de dozura e case fantasía. Non era para menos, nubes, chocolate, crema de cacahuete... Coidado que vai a bomba, boooom!



Torta de nubes con brownie e crema de cacahuetes


Ingredientes:


Para o brownie:
  • 70 g de azucre
  • 55 g de manteiga
  • 40 g de c hocolate con leite
  • 30 g de fariña 
  • 8 g de cacao
  • 1 ovo
  • 1 cullerada de vainilla
  • Un chisco de sal
Para a capa de nubes:
  • 160 g de nubes
Para a capa de crema de cacahuetes:
  • 150 g de chocolate con leite
  • 150 g de crema de cacahuete
  • 60 g de abelás

Utensilios: un molde apto para o forno, dúas cuncas, unha espátula, unha culler e papel vexetal. 



 Elaboración:

Para comezarmos, temos de facer a capa de brownie. Para iso, derretemos o chocolate coa manteiga no microndas. 


Cando estean derretidos, engadimos o azucre. 


O ovo. 


A vainilla. 


O cacao. 

A fariña e o chisco de sal. 


Botamos a mestura no molde, cuberto por papel vexetal, para que sexa máis sinxelo de desmoldar. 


Enfornamos a 180º, co forno prequente e calor arriba e abaixo, durante 18 minutos.


Colocamos rapidamente as nubes e volvemos enfornar até que se derritan, tardarán 4-5 minutos.






Deixamos arrefríar no frigorífico, e facemos a última capa. Derretemos o chocolate coa crema de cacahuete. 



E cando estea listo, engadimos as abelás, picadas. 


Estemos a capa sobre as nubes e arrefríamos durante 3-4 horas, mellor unha noite. 


Pasado ese tempo, desmoldamos e xa estaría listo para comer! 



 Agardamos que vos guste!!


Na nosa casa miraban con desconfianza antes de probar debido a esa masa viscosa intermedia. Mais acabaron tamén por se render aos contrastes logrados entre os diferentes ingredientes.
Vaia invento. Anotade a idea e ficade con esta saborosísima torta para cando procuredes sensacións diferentes na repostaría. Boa finde, amig@s!! 

2 comentarios:

  1. Ains maaaaaaaaaaadre no sabeis lo que me tentasteis cuando vi la foto la Instagram y ahora que veo el paso a paso relamiendome estoy.
    Se ve divinisimo no lo siguiente y no dudo ni un segundo que este de rexupete ,pena no poder dar cuenta de un trozo.
    Bicos mil y feliz inicio de semana wap@S.

    ResponderEliminar
    Respostas
    1. Obxectivo cumplido! Tela que probar que seguro que che encanta!!!
      Bicos!!!

      Eliminar