Madalenas de chocolate terroríficas

Bo día, bolboreteirxs! Hoxe traémosvos a primeira receita de Samaín. Esta é unha das nosas épocas favoritas do ano: disfraces, decoración, festas e uns ingredientes para traballar moi moi saborosos. Unhas deliciosas madalenas moi moi chocolateadas. Son deliciosas e cunha textura incríbel. Ademais, podémolas decorar como máis nos gusten, nós decidimos facer uns monstros e unhas pantasmas. 

Madalenas de chocolate terroríficas    

Ingredientes:

Para as madalenas:

• 200 g de chocolate negro (ou con leite) 
• 200 g de nata 35% 
• 150 g de fariña         
• 75 g de azucre 
• 20 g de chocolate en po 0% 
• 2 ovos 
• 1 cullerada de lévedo en po 

Madalenas de arandos

Bolboreteir@s! Como estades?? Os que permaneces na Galiza vivindo os luxos de non estarmos a 50º, non? Luxo si, pero nós algo de sol queriámolo, eh!!

Ultimamente estamos bastante activos na cociña debido ao período vacacional. Hoxe traémosvos unha lambetada clásica, madalenas, que dá para xogar e experimentar canto queiramos. Desa volta, escollemos os arandos como protagonista xa que ultimamente están a ter moito éxito nesta casa posto que ao pequeno o namoran. A verdade é que as froitas de verán son un luxo: sandía, melón, cereixas, arandos...

Cremos que esta receita vos ha de entrar xa polos ollos mais ollade que non ten grande complicación e animádevos a descubrir tremenda lambonada!

Madalenas de arandos

Ingredientes:

Para as madalenas:

• 220 g de fariña
• 200 g de arandos
• 135 g de azucre
• 120 ml de leite       
• 110 ml de aceite de xirasol
• 1 sobre de lévedo

Madalenas de queixo

Bo día, bolboreteir@s. Como vai todo? Aquí andamos agardando o inicio de curso expectantes ante tantos cambios de rumbo. Polo menos o peque xa avanza no proceso de adaptación e entón aproveitamos algo máis estas horas libres que nos quedan pola mañá para ir preparando as clases mais tamén para cociñar cousiñas novas para o blogue. 

A última idea asenta sobre este suposto oxímoro, madalenas salgadas, concretamente de queixo que entran en xogo nunha posición diferente ao habitual. Da sobremesa aos entrantes. Iso si, sen pasarse xa que con dúas ou tres destas, igual chegades sen a fame necesaria ao menú. 

Mirade que apetitosas!

Madalenas de queixo

Ingredientes:

• 200 g de queixo relado
• 190 g de fariña
• 120 ml de leite
• 120 ml de iogur natura

Madalenas de crema de cacao con abelás

Bo día, bolboreteir@s! Nova receita e regresamos co doce a Bolboretas no bandullo. Desta volta unha que tiñamos gardada de unas semanas atrás cando celebramos un aniversario cunha sobremesa contundente coma esta. Aínda que é certo que as madalenas son unha lambetada apta para calquera momento do día. A nós encántannos ao almorzo, á merenda, de sobremesa...

Só é preciso pertencer ao club dos bos lambóns e gozar de ideas chocolateadas coma esta, na que non hai nin unha soa miga que non nos adoce bandullo e corazón. Velaquí a tedes.

Madalenas de crema de cacao con abelás

Ingredientes: 

• 380 g de crema de cacao con abelás 
• 150 g de fariña 
• 3 ovos

Madalenas de careixóns sen glute

Bo día, amig@s! Como vai todo? Nós ímosvos tentar adozar o día cunha nova larpeirada que fixemos con moitísimo agarimo pois leva como elemento principal un alimento deses que nos levan á infancia na aldea, a eses tempos en que encontrar unha boa presa de amoras negras era unha xenial noticia ou ao igual que dar cos primeiros careixóns da tempada. Pois estes "careixós", como aquí dicimos, cada vez parecen máis difíciles de encontrar, e cando nos facemos cuns poucos adoitamos degustalos moi felizmente. 

Desta volta, quixemos facer unha receita con eles xa que até o de agora sempre pasaran directamente da planta para o bandullo. Non era unha grande cantidade porque, como dixemos, non é fácil conseguilos mais si deron para lograr unhas cantas madalenas cun sabor ben especial. 

Supomos que non en todos lados lles chamaredes careixóns, e por iso aclaramos, que son amorodos silvestres. Porén, o termo utilizado paréceme unha outra fermosura da nosa lingua.

Deixámosvos pois, unha idea para vos animar a ir na procura de careixóns preparando unhas madalenas coma estas, aptas para celíac@s.

Madalenas de careixóns sen glute

Ingredientes (para 20 unidades):

• 150 g de careixóns
• 250 g de azucre
• 200 g de fariña de millo (maicena)
• 180 ml de leite
• 180 ml de aceite
• 3 ovos
• 1 sobre de lévedo

Biscoitiños de cenoria e mazá

Como vai lectores/as? Xa recuperastes do Entroido e das súas larpeiradas?? Por aquí aínda andamos hoxe despedíndonos dos freixós :'( Aínda que vexo difícil agardarmos até o ano que vén por eles, algún día teremos que facer unha homenaxe ao Entroido aínda en datas distantes :-) Por certo, podedes botarlle un ollo ao artigo que escribimos para o xornal Sermos Galiza sobre esta larpeirada entroideira e o seu peso na gastronomía e cultura galega (Artigo Sermos) .

Con todo, as larpeiradas nós nunca as deixamos de lado. Esta semana queriamos facer un doce máis suaviño despois de todo o manducado estes días. Pensamos así nun biscoitiño fresco e lixeiro e no que integrarmos dous produtos que lle dan un sabor... impresionante!

Iso si, a modo de estratexia fixémolos cuns moldes de madalenas porque así talvez é máis sinxelo controlarse á hora de comer as porcións. Porque se o facemos o tamaño tradicional do biscoito arriscámonos a cortar cachos enormes deixándonos levar polo apetito dos ollos. E agora toca controlar un pouco e non exceder, haha. Aí vos vai: 

Biscoitiños de cenoria e mazá

Ingredientes:

• 150 gr de fariña
• 50 gr de manteiga
• 30 gr de azucre
• 4 cenorias
• 2 ovos
• 1 mazá
• 1/2 vaso de leite descremado
• 1/2 sobre de lévedo en po

Madalenas de amorodos, chocolate e abelás

Xa que os cupcakes están arrasando, imos voltar á súa orixe, que non é outra que a das madalenas, para demostrar que estas tamén poden ser moi doces e saborosas. Este alimento é todo un clásico mais creo que tamén é o grande perxudicado do boom dos cupcakes. Por iso nos puxemos mans á masa para preparar unhas ricas madalenas válidas para a merenda, sobremesa ou almorzo. O obxectivo, alén de lograr un bo sabor, era mesturar amorodos e chocolate. O resultado convenceunos totalmente! Estes produtos van moi ben xuntos. Achegan ese punto de dozura de que tanto gustamos xunto a froita, que aínda que sexa en pequenos cachiños, sempre é importante integrala na nosa alimentación. Aí van as nosas madalenas:

Madalenas de amorodos, chocolate e abelás

Ingredientes:

• 250 gr de fariña
• 250 gr de azucre
• 250 ml de aceite de oliva
• 4 ovos medianos
• 8 gr de lévedo en pó
• 2 culleradas de anís
• A reladura dun limón
• Un chisco de sal

Cupcakes de vainilla con chocolate e banana

Esta fin de semana prevese moi mal tempo (choiva, vento e frío), polo que, que mellor plan que meterse na cociña e facer estes riquísimos cupcakes en familia? É, sen dúbida, un dos pasteis máis de moda ultimamente, un clásico desde hai anos nos EUA que pouco a pouco se foi estendendo a outros países. Converteuse nun auténtico "boom" nestes últimos anos e non é estraño ver na Galiza estabelecementos dedicados exclusivamente á súa venda. Dun produto básico como a madalena podemos chegar a facer un verdadeiro manxar totalmente personalizado, ao noso gusto, xa que admite milleiros de variábeis como veredes na seguinte receita.

Cupcakes de vainilla con chocolate e banana 

Ingredientes:

Para as madalenas:

• 130 gr de manteiga
• 140 gr de azucre
• 150 gr de fariña
• 2 ovos
• 1 culleriña de fermento
• 1 culleriña de vainilla
• A raiadura dun limón

Para o recheo:

• 187 gr de manteiga
• 187 gr de azucre
• 1 banana
• 75 gr de chocolate negro