Gulas con gambas

Boa sábado de Entroido, bolboreteir@s! Hai un ano andabamos preparando todo para coñecer o entroido do sur: Xinzo, Laza, Verín... Foi unha experiencia tan espectacular que prometemos volver este ano. Mais xa vedes, igual que aos demais, tamén nos tocou aprazar unha promesa. Desta volta toca disfrazarse para andar pola casa, pasear e mesmo cociñar. Aínda que non vos é moi cómodo preparar a masa das roscas ou facer os freixós con algún conxuntiño que temos, hehe.

Vaia homenaxe nos imos dar nesta ponte. Recordade que tedes polo blogue a maiorías das receitas tradicionais do entroio: orellas, flores, filloas, roscas... Tedes para escoller. 

E entretanto, máis sabor por aquí, hoxe, algo moi sinxeliño!

Gulas con gambas

Ingredientes:

• 250 g de gulas
• 200 g de gambas
• 2 dentes de allo        
• 1 chile
• Pementa moída

Pasta con gambas ao curry

Bo día, bolboreteir@s! Rematadas as vacacións, toca volver á rutina, non? Ha! Hai que o tomar con humor porque senón faise isto longo. Mais que queda menos!
Hoxe imos cunha das milleiras de posibilidades que nos dá a pasta. Non arriscamos e fomos sobre seguro nesta preparación, botando man de dous produtos principais que casan moi ben e dos que gustamos inmensamente: gambas e curry.
Con esta intensidade, lógrase o obxectivo, que a pasta non fique sen sabor, recibindo moi ben todo o achegado por estes ingredientes aquí incorporados.
Aquí vai a última:

Pasta con gambas ao curry

Ingredientes:

• Pasta
• 300 g de gambas
• 2-3 cenorias
• 1 tomate
• 1 cabaciña
• 1 cebola

Arroz con especias e gambas

Boas noites, queridos lectores e lectoras! Vimos dar algo de sabor á noite cun prato exquisito. Desta volta collemos inspiración dunha das nosas blogueiras favoritas, Isasaweis. Concretamente do seu último libro, "Las 100 mejores recetas de Isasaweis".
Pois ben, aínda que iamos sobre seguro porque adoramos este tipo de arroces salteados, estilo asiático, acabou por sorprendernos. E non digamos das que mostraban máis desconfianza na casa. Case relamben o prato!
Dunha forma ou doutra, adoramos arroces tradicionais, arroces modernos e arroces de todo tipo. A papalo!

Arroz con especias e gambas

Ingredientes:

• 1 vaso de arroz
• 3 vasos de auga
• 100 g de chícharos
• 300 g de gambas
• 1 cebola
• 1-2 dentes de allo
• 2 culleriñas de coco relado
• 1/2 culleriña de xenxibre

Noodles de arroz con gambas

Bo día, bolboreteir@s! Falabamos no último artigo de puntos recomendábeis da cidade da Coruña e claro, con tanto comentar, acabou por nos entrar a fame. Precisamente coa mención do Thai Market, veunos á mente a posibilidade de argallar cuns noodles, un dos produtos estrela da carta thai.

Estes fideos xaponeses andan a gañar visibilidade na nosa gastronomía, convivindo coa xa asentada pasta italiana. Aínda que as similitudes son evidentes, as texturas e sabor dos mesmos fican distantes.

Pensamos desta volta en lle darmos sabor con verduras e gambas mais recomendámosvos sobre todo que experimentedes con eles e procuredes cal pode ser a combinación axeitada para vós. Aquí fica esta idea.

Noodles de arroz con gambas

Ingredientes:

• Noodles de arroz
• 200 g de gambas
• 1/2 cabaciña
• 1 cenoria grande
• 2 dentes de allo
• 1 cullerada de curry

Cazoliñas de spaguetti de cabaciña con gambas ao allo

Bo día, bolboreteir@s! Como vai todo? Agardamos que ben. Supomos que moitos, agardando xa ansiosos a chegada do verán con esta espera de alternativas climáticas que tan ben representa a estación primaveral.

Hoxe estamos ben contentos porque vos imos presentar un dos nosos pratos favoritos, ou canto menos a variante dun dos nosos pratos favoritos. Desde que descubrimos os spaguetti de cabaciña, a nosa cociña non vive sen esta verdura pois é un recurso inmellorábel para xantares e ceas. Rápido e sumamente saudábel.

Ademais, esta versión que hoxe vos traemos é moi especial, aínda que isto entenderédelo algunhas persoas co paso do tempo.  Non vos queremos desvelar a fin destas cazoliñas que fican de luxo en calquera mesa, ben do día a día ou ben para unha xornada do máis especial.

Imos por elas!!

Cazoliñas de spaguetti de cabaciña con gambas ao allo

Ingredientes:

• 2 cabaciñas
• 250 g de gambas
• 1/2 cebola
• 2 dentes de allo
• 1 chile

Volováns bolboreteiros (4º aniversario)

Última publicación do ano xusto no día en que se cumpre o 4º aniversario de Bolboretas no bandullo. Que contentos estamos, amig@s! Como pasa o tempo. Parece que foi onte que comezamos esta andaina cunha entrada de presentación e que se vería acompañada no día 31 pola primeira receita, unha espectacular Torta de profiterois. E aí seguimos, cheos de ilusión e con moitos proxectos por levar a cabo. A vida foi cambiando mais as nosas ansias larpeiras non decrecen!

E así pois, rematamos o 2017 cunha nova idea para os menús especiais destes días. Un petisco elegante co que dar inicio a un banquete cheo de delicias.

Obviamente, esta idea serve para calquera momento do ano aínda que é certo que nós pensamos nela para estas datas polo feito de seren bastante frescos, lixeiros e rapidísimos de facer. Os pratos principais adoitan roubarnos todo o tempo polo que nos queda pouquiño para os petiscos. Pois este cumpre a demanda e satisfainos.

Por certo, antes de nos pór a saborear. Recordade que hoxe é o último día para participar no sorteo dun exemplar de "Os arquivos de Escarlatina". 

Dúas opcións: para seguidores/as de Facebook, abonda con compartir calquera entrada das que falabamos do sorteo na propia páxina e seguir a mesma. 

Para @s do Twitter ou Instagram, abonda con comentar nunha das últimas entradas do blogue e seguir a páxina nunha desas redes sociais. Moita sorte!!

Volováns

Ingredientes:

• 20-25 gambas
• 9-10 volvováns grandes
• 1 aguacate
• 1 tomate
• 1 cebola
• 1 dente de allo
• 2-3 culleradas de maionesa
• Aceite de oliva

Mixtión de quinoa con verduras e gambas

Bolboreteir@s, adiante con máis receitas!!! Falámosvos moitas veces da nosa predilección pola quinoa, que entrou na nosa alimentación xa hai máis dun ano e desde aquela converteuse nun recurso case cotián.

As propiedades son infinitas, as posibilidades de cociñado outro tanto e ademais fica saborosa de calquera forma. Aínda que talvez de ningún modo tan espectacular como na combinación que hoxe vos presentamos, en que absorve os diferentes sabores achegados principalmente a través das especias.

Talvez non sexa este un prato de diario porque leva moitos produtos e entre eles as gambas mais, sen dúbida, é un prato co que conquistar a tod@s @s comensais a que nos enfrontemos xa que sacia e namora.

Velaquí fican os pasos para o lograrmos :-)

Mixtión de quinoa con verduras e gambas

Ingredientes:

• 200 g de quinoa
• 600 ml de caldo de verduras
• 50 ml de viño branco
• 150 g de gambas
• 1 tomate
• 1 cebola pequena
• 3 dentes de allo
• 1 culleriña de alfábega
• 1 culleriña de curry
• 1 culleriña de pemento doce

Spaguetti negros con allada e gambas

Bo día, bolboreteir@s! Non vos arrecende xa a primavera? Que ben, que ben 😍😍 Habará que ir sumando pratos algo máis frescos, ensaladas... ñam. Con todo, hoxe aínda non inauguramos ese ciclo.

Unha das nosas paixóns, que seguro compartimos con moit@s de vós, é a de probar novos pratos cando coñecemos algún restaurante mais despois, en caso de gustarmos (o máis habitual) levalo despois á práctica na nosa casa. É unha dinámica que repetimos en innumerábeis ocasións e despois desta viaxe a Portugal, non ía ser menos.

O sábado achegámonos a unha pizzaría que nos recomendaron en Aveiro, chamada Pizzarte (nós tamén vola recomendamos encarecidamente). Alí desfrutamos do típico pan de allo que adoitan facer no país luso, dunha pizza máis común e tradicional e despois dun prato de pasta do que saboreamos até a última pinga. Os spaguetti negros con allada e gambas tiñan que estar aquí si ou si. Porque esa pasta xa ten un sabor moito máis intenso grazas á sepia coa que os fan, e con ese elemento de cohesión a base de allo... mmmm, tórnase irresistíbel.

Difícultade non ten moita, aínda que para que queden exquisitos hai que controlar certos pasos do proceso de elaboración. Aí a tedes.

Spaguetti negros con allada e gambas

Ingredientes (para 2-3 persoas):

• 200 g de spaguetti negros
• 100 g de gambas
• 1 tomate
• 2-3 dentes de allo
• 1 chile
• Pementa moída
• Sal
• Aceite de oliva
• Auga

Roliños de pizza mariñeira (Pizza Rolls)

Cantas veces vos diriamos xa canto nos encanta a pizza! Gustamos tantísimo que xa non sabemos de que forma preparala. Con masa de fariña de trigo, calzone, con follado, en rolo... Mimá, que verdadeira delicatessen nos deixou a gastronomía italiana.

Sexa como for, aínda temos moitas versións pendentes e unha desas era a que hoxe vos presentamos. Coñecimos estes pizza rolls a través dalgunha cadea de pizzas hai tempo e tamén o temos visto nalgunha páxinas destas de vídeos tasty que tanto adoramos. Era pois, momento de traermos a idea a Bolboretas no bandullo, coas correspondentes adaptacións e toque da casa.

Somos de probar todo tipo de ingredientes na pizza mais casualmente poucas veces optamos por aqueles chegados do mar. Aproveitamos desta volta uns mexillóns sobrantes, compramos unhas gambas e logramos un prato de luxo e económico que habedes tardar tempo en esquecer.

Se é que... canta marxe nos dá a cociña para a creatividade, que disciplina tan marabillosa! Aí vai unha nova creación.

Roliños de pizza mariñeira (pizza rolls)

Ingredientes:

• 1 masa de pizza
• Salsa de tomate
• Queixo relado ao gusto
• 1 bóla de mozzarella
• 12-15 mexillóns cocidos
• 12-15 gambas
• 1/2 pemento vermello
• Ourego

Revolto de gambas e espárragos verdes

Avante coa finde, bolboreteir@s! Após un semana ben estraña con tanto feriado de por medio, chega o sábado de receita cun prato xa pensado para os menús especiais das vindeiras datas natalicias. Como procuramos que Bolboretas no bandullo sirva de inspiración ou de axuda para as vosas creacións, imos pensando xa nese Nadal que se aproxima á velocidade da luz.
E como talvez teñades pensado incluír como pratos fortes algunha carne ou peixe, nós matinamos nun entrante no que a verdura sexa ingrediente chave, neste caso a través dos nosos benqueridos espárragos verdes ao que tanto nos afeccionamos ultimamente. Un revolto era unha das mellores opcións pois dá lugar a todo tipo de variantes admitindo moi diversos produtos. Con todo, parece que aquí a combinación levou a unha fusión de sabores exquisita! Estaban agardando uns por outros, haha.
Dificultade do prato... mínima. Así que, xa sabedes, na Noiteboa ou Fin de Ano, podedes deixar a preparación deste prato ao máis inexpert@ cociñeir@ da casa. Así sentirase importante na configuración do menú e talvez lle colla mesmo gusto a isto ;-) Aí o tedes!

Revolto de gambas e espárragos verdes

Ingredientes (para dúas persoas):

• 200 g de gambas
• 5-6 espárragos
• 1/2 cebola
• 2-3 dentes de allo
• 1 chile
• 1 ovo
• Pementa moída
• Sal

Tortillas aromatizadas recheas de gambas e verduras

Desde logo que este clima que vimos tendo lle sube o ánimo a calquera. Canto menos, pola Mariña Luguesa, onde a calor se resiste ben. E con tanto ánimo, continuamos a elaboración de receitas para nós e vós.
Xa vos contamos innumerábeis veces o que nos gusta meter as mans entre a masa e argallar até dar con alimentos que presentes características específicas, diferenciábeis. Deste xeito, sempre que podemos aproveitamos para facer pan, pizzas, empanadas... mais tamén tortitas, que nos dan moitísimo xogo á hora de facer pratos mexicanos mais tamén para preparar inventos moi bolboreteiros como o de hoxe. Xa as tortitas ficaron para se degustar elas soas, mais claro, precisabamos consistencia e aí é onde nos centramos nun recheo con protagonismo propio e que conxuga marabillosamente coa capa exterior.
Si, poderiamos inventar un nome, mais desta volta fomos máis tradicionais e optamos por unha denominación máis descritiva que xa nos anima a lle meter o dente!

Tortillas aromatizadas recheas de gambas e verduras

Ingredientes (para 4 tortillas):

Para as tortillas:

• 150g de fariña
• 2 ovos
• 1 culleriña de curry (opcional)
• Ourego, estragón, comiño...

Para o recheo:

• 500g de gambas
• 1 pemento vermello
• 1 pemento verde

Pementos recheos de gambas e cogomelos

Como vedes a este verán só lle queda do mesmo a denominación porque nós xa hai tempo que non sabemos nada do sol. E claro, que facer con estes días en que temos un pouco de tempo libre e non se nos ocorre como o aproveitar. Pois animarnos cunha receita de Bolboretas no bandullo que sempre son moi sinxeliñas de facer e moi eficaces. E aquí tedes unha nova mostra.

Co paso do tempo xa nos ides coñecendo, e xa sabedes, por tanto, canto nos gusta traballar con verduras e sobre todo reenchelas. E que dan tanto e tanto xogo! E os pementos, pola súa forma son comodísimos para este tipo de receitas. De feito, non sei se lembrades outra receita de pementos recheos...  aquí a tedes. Porén, desta volta probamos a inserirlles unha das nosas combinacións preferidas: gambas e cogomelos, sabéndomos que o resultado non defraudaría. E así mesmo foi. O que si, variamos os pementos como veredes. E aquí tedes os pasos e o resultado:

Pementos recheos de gambas e cogomelos

Ingredientes (para 12 unidades):

• 12 pementos pequenos
• 10-12 gambas
• 10 cogomelos
• 2 tomates
• 1 cebola 
• Allo en po
• Pementa moída
• Estragón
  

Luriñas recheas de gambas e espinacas

Si! Chegou un outro sábado en que vos traemos un novo experimento que nos deixou fascinados e que agardamos que cause o mesmo efecto en vós. Tiñamos unhas luriñas pola casa, e como adoitamos facelas fritas en aneis, queriamos unha nova forma de as preparar e de lles sacar aínda máis partido. Tiñamos claro que reenchelos era unha boa opción, aínda que non sabiamos con que. Comezamos pensando en carne mais non nos convencía desta volta o contraste entre carne e marisco. Si, amig@s, as luras e luriñas, ao igual que o polbo, forman parte do grupo dos moluscos cefalópodos. Ben, voltando ao tema... desbotada a idea da carne, xa pensamos noutros produtos, algúnha verdura, algún produto de mar... E aquí nós sempre temos un "corpus" do que botar man frecuentemente: espinacas, cebolas, gambas... Aínda que tamén engadimos ao recheo os rabos ou puntas das luriñas. E despois, un mollo espectacular, claro :-)

É certo que este é un prato que necesita dedicación xa que hai que limpar as luriñas, preparar a salsa, o recheo... mais cando probedes veredes que sen gastar moito diñeiro podedes lograr un verdadeiro luxo. Que marabilla! Aí vos vai:

Luriñas recheas de gambas e espinacas

Ingredientes (para 4 persoas):

Para a salsa:

• 6-7 tomates 
• 2 cebolas
• 3-4 dentes de allo
• 1 pastilla de caldo de peixe
• 1 vaso de auga
• 1 vaso de viño branco
• 1 folla de loureiro
• 1/2 culleriña de ourego
• 1/2 culleriña de romeu

Polbo con gambas

Unha receita máis de Bolboretas no bandullo, aínda que xa vedes polo título que non mudamos de rexistro. Algo fundamental na cociña ao longo da historia foi o aproveitamento dos produtos sobrantes de pratos anteriores. Convén pensarmos en calquera forma de aproveitar a comida para que esta non acabe no lixo. E ademais, cantos grandes pratos teñen saído das sobras...

Así pois, da nosa última receita, canelóns de polbo á mugardesa con salsa de queixo, sobrounos un pouco deste delicioso cefalópodo. E claro, para degustalo só facíase algo escaso, así que pensamos en acompañalo dun marisco que nos encanta como as gambas. Así cun pouco de polbo e cunhas poucas de gambas lógrase un prato moi digno e saboroso. Como combinación rozan a perfección xa polo seu sabor, que se intensifica aínda máis con ese paso rápido pola tixola. Un pequeno luxo que podedes ter en conta para cando vos sobre algo de polbo doutras receitas como o polbo á feira, ou os propios canelóns. Aquí a tedes:

Polbo con gambas

Ingredientes:

• 1/2 polbo cocido (receita aquí)
• 200 gr de gambas
• 2 dentes de allo
• 2 chiles 
• Pementa moída
• Sal
• 1/2 vaso de viño

Revolto mar e terra

Comezada oficialmente a época de recuperación dixestiva e de depuración. Xa presentamos aquí moi diversas larpeiradas e pratos contundentes para encher ben o bandullo nestas festas, mais como todos os anos convén comezar a compensar os excesos. Por isto comezamos cunha receita lixeiriña e moi dixestiva que vos serve tamén para aproveitar algún dos mariscos que vos sobrou destes últimos días de enchentas. A nós só nos quedaron unhas gambiñas por aí, mais seguro que moit@ de vós tiñades algún langostino, mexillóns, ameixas ou mesmo se somos moi optimistas, algún cachiño de lumbrigante :-) Pois de seguirdes esta receita, podedes lle dar un bo proveiro e creardes un prato... máis que delicioso.

Conviría non encher moito o prato, porque aínda non sendo pesado, o estómago xa vén de moita carga nestes últimos días. Mais non quededes con fame, haha! A combinación de cogomelos e xamón sempre é do máis exitosa, mais se incorporades un pouco de marisco ou mesmo peixe achégalle un toque a mar que crea unha combinación moi moi interesante. A ver que vos parece.

Ah, e ao rematardes de ler a receita... a desexada resolución do sorteo. Abaixo tedes @s gañadoras/es! 

Revolto mar e terra

Ingredientes (para 2 persoas):

• 100 gr de cogomelos
• 100 gr de gambas
• 50 gr de xamón
• 5-6 langostinos 
• 1 cebola
• 2-3 dentes de allo
• 1 chile
• 1 ovo (opcional)
• 1/2 vaso de viño branco