sábado, 11 de xaneiro de 2014

Brownie de chocolate branco


Lambereteir@s, non nos resistimos máis e xa preparamos outra receita doce, perfecta para o almorzo ou para a merenda acompañada dun vaso de zume, un té, unha infusión ou un café.
Como xa saberedes, o brownie é un doce estadounidense, que se descubriu cando un pasteleiro esqueceu botar o lévedo a un pastel de chocolate. Orixininalmente estaba feito con chocolate negro, de aí a súa denominación (brown=marrón); polo que, neste caso, ao ser unha variación da receita orixinal feita con chocolate branco poderiamos chamarlle whitenie (white=branco). 

Brownie de chocolate branco

Ingredientes:
  • 200 gr de chocolate branco
  • 80 gr de manteiga
  • 3 ovos
  • 130 gr de fariña
  • 150 gr de azucre
  • Culleriña de vainilla
  • Abelás, ou un froito seco que vos guste
  • Chisco de sal
Elaboración: 

Para comezarmos, temos de mesturar o azucre cos ovos.


Despois engadimos a vainilla, e pouco a pouco a fariña. 





Cando a fariña estea totalmente integrada, engadimos as abelás (ou o froito seco escollido) e o chocolate branco fundido coa manteiga. 









Botamos a mestura no molde e enfornamos a 200º (calor arriba e abaixo con ventilador) durante 30 min, aproximadamente. Deixamos enfriar e a comer!!! 

Esta é unha sobremesa ideal para @s que non gustades do chocolate negro xa que ten un sabor moi suave. Ademais, é unha receita moita sinxela coa que seguro triunfaredes! Se quixerdes, outro día podemos pendurar a receita orixinal para os máis chocolateiros, debido a que as cantidades son diferentes.
Moitos saúdos, e non esquezades enviar as vosas fotos!














8 comentarios:

  1. Bua cada día sorpréndesme máis, ten unha pintaza incrible!

    ResponderEliminar
  2. Firmado: Rosalía

    P.D.: Sempre me olvido! jiji

    ResponderEliminar
  3. Poderia-se fazer com fruitos normais em lugar das avelãs? É dizer, um brownie de morango, ou só pode ser com fruitos secos? Saudações!

    ResponderEliminar
  4. Por suposto que se pode! Debido a que a combinación do brownie (ou whitenie) con froitos vermellos é perfecta! Outra opción tamén podería ser con froita como mazá, pera... ou mesmo coa cristalizada.
    Moitas grazas e un saúdo!

    ResponderEliminar
  5. Este comentario foi eliminado polo autor.

    ResponderEliminar
  6. Non sabes a gana que lle teño a esta lambetada! Ten unha pinta...mmm!

    ResponderEliminar
    Respostas
    1. Pois xa sabes... mans á obra!!! Seguro que che encanta que está riquísimo, e non é nada empalagoso! :D:D

      Eliminar