Quiche de espinacas e xamón

Parece que toca volver á rutina e aos bos hábitos, mais sen esquecernos de tomar algún doce para facermos máis agradábel a vida. Hoxe comezamos cunha receita riquísima, unha torta salgada de orixe francés, ideal para o xantar acompañada dunha boa ensalada, que falta fai despois destes días de excesos. 

Quiche de espinacas e xamón

Ingredientes:

Para a base:

• 150 gr de fariña
• 75 gr de manteiga
• 1 xema de ovo

Para o recheo:

• Dous dentes de allo
• Unha cebola
• Espinacas ao gusto
• Xamón ao gusto
• Queixo relado
• Dous ovos
• 200 ml de nata
• Especias
• Pementa negra

Elaboración:

Primeiramente debemos preparar a base da nosa torta. Nunha cunca debemos frotar a fariña coa manteiga até formar unhas migas. Aparte, temos que batir lixeiramente a xema cunha culleriña de auga fría e agregámola á mestura anterior até obter unha masa homoxénea. Envolvémola en papel de plástico e refrixeramos durante 1hora. 

A continuación, extendemos a masa cun rolete sobre unha superficie enfariñada e colocámola no molde. Pinchamos o fondo cun garfo e colocamos sobre el papel vexetal, e por riba unhas fabas ou garavanzos para que a masa non suba no forno. Enfornamos a 180º, calor arriba e abaixo, no centro do forno durante 20-25 minutos. Retiramos as fabas ou garabanzos e enfornamos durante 5 min máis. Reservamos (esta masa pódese preparar con 2 días de antelación).

Nunha tixola con dúas culleradas do aceite, botamos o allo e a cebola picados finamente. Cando a cebola estea pochada, engadimos as espinacas e o xamón, cortado miúdo. Despois engadimos as nosas especias favoritas (nós escollimos ourego e albahaca) e unha pouca de pementa negra para dar sabor. Aparte, batimos os dous ovos xunto coa nata. 

Chegou a hora de montarmos o quiche!! Sobre a base, colocamos o recheo de espinacas e xamón e o queixo relado por riba, ademais da mestura dos ovos e nata tendomos en conta que non pode superar a altura da base. De novo, forneamos a 180º, calor arriba e abaixo, durante 35 min, aproximadamente. E xa estaría lista para comer!!

De novo, moitas grazas por todo! E non esquezades enviarnos as vosos fotos!!