Crocantes de San Simón e froitos secos

Si, si, si, nova receita aquí! E con vídeo! Que máis pedir para unha fin de semana solleira coma esta?Temos os ánimos polas nubes e isto lévanos a nos pór atrever con todo tipo de creacións gastronómicas. Ademais, xa andamos pensando en coller o tupper e saír ao parque ou praia coa nosa empanada, ensalada ou galletas. Si, si, galletas. Xa non é unha primeira vez que reivindicamos o proveito deste alimento non só na súa versión máis tradicional, doce, senón tamén como petisco salgado. Isto permítenos integrar produtos ben interesantes como fixemos aquí co noso adorado queixo San Simón.
Mais... contámosvos un segredo? Que ían ser o aperitivo da cea e acabaron por ser o prato único e principal. Vaia homenaxe nos demos con esta delicia.
Sempre vos animamos a imaxinardes e xogardes na cociña e estes crocantes de San Simón e froitos secos supoñen a nosa última creación, chea de ilusión e cargada de sabor. Aí vai a última video-receita!

O bolo boleiro de Manuel María

Chegou xa o 17 de maio, día especial para festexarmos as nosas letras e máis neste ano en que honramos a unha das figuras máis completas, poliédricas e de maior compromiso coa lingua galega como é Manuel María.

Nos nosos anos de vida, este está a ser o ano de máis orgullo da figura honrada para nós. Sentimos que toda a poesía para desfrutar está no Manuel. E por riba, nunha obra tan ampla, non faltou a temática gastronómica porque el era consciente da realidade identitaria que supoñía na Galiza. E porque sabemos que era amigo de comer. De feito, mesmo nos pasaron información de cal era o seu prato favorito. Sabedes? Pois segundo nos conta Mercedes Queixas, di Saleta, a súa compañeira, que adoraba degustar un bo año de leite ("cordero lechal" como malchamos normalmente). 

Mais a través da súa poética imos vendo tamén outros alimentos que lle ben sabían e ben debía apreciar. Nas redes xa fomos dando conta dos versos ao pan de trigo, ao viño, aos capóns, á xata, ás patacas, aos nabos... Porén, deixabamos tres composicións coas que hoxe imos crear a receita máis poética de Bolboretas no bandullo. Unha larpeirada en que se combinan tres poemas diferentes de Manuel María aínda que xira principalmente arredor do título infantil "O bolo"

O bolo boleiro de Manuel María

Ingredientes:

Para a masa:

• 300 gr de fariña de centeo (integral)
• 150 gr de fariña de trigo
• 300 ml de auga
• 15 gr de lévedo fresco
• Un chisco de sal

Para o recheo:

Bagels caseiros en dous xeitos

Como vai todo? Agardamos que como mínimo, moi ben. E senón, aquí estamos para axudar con novas receitas.
Ultimamente andamos algo atarefados por cuestións laborais, o que non nos deixa moito tempo para facer tantas novas receitas como quixésemos, e algunhas que facemos xa procuramos que sexan rápidas para non perder moito tempo ou que se podan reaproveitar. E nesta liña vai o prato de hoxe. Evidentemente, ao igual que todas as masas, non se caracteriza pola velocidade posto que hai que amasar, levedar, volver amasar, dar forma, cocer... Ben, mais danos a posibilidade de facer unha boa cantidade para conxelar e da que tirarmos posteriomente beneficio en múltiplas ocasións. Ou esa foi a nosa intención para estas semanas de apuro.
A sona deste produto vén dada polas panadarías e pastelarías dos Estados Unidos de América, recorréndonse alá a eles con moitísima frecuencia polas múltiplas posibilidades que ofrece, tanto doces como salgadas. E parece que chegou a América coa entrada de xudíos na súa fuxida durante a II Guerra Mundial, facéndoos moi coñecidos sobre todo en cidades como New York ou Boston,
Porén, a súa orixe remóntase ao século XIX, cando un panadeiro austríaco agasallou ao rei Xoán III de Polonia este pan enfornado polo seu papel na vitoria contra os otomanos. Parece pois, que esa forma circular se asemellaría aos estribos para montar a cabalo, unha das grandes afeccións do monarca. Curioso, canto menos. Mais sobre todo, saborosos!  

Bagels caseiros en dous xeitos

Ingredientes (para 6-8 unidades):

Para a masa:

• 420 gr de fariña
• 225 gr de auga morna
• 40 gr de azucre
• 25 gr de lévedo de panadaría
• 2 culleradas de aceite
• 2 culleriñas de sal
• 1 ovo batido

Marmelada de cebola con xitaque e queixo sobre follado

Que si, que si, a fin de semana xa está aquí!! E parece que ben con sol así que hai que aproveitar para saír das covas e desfrutar da beleza destes días.

E para darlle máis sabor a estes días, hoxe traémosvos un novo invento. Argallando argallando, fomos chegando a esta curiosa e especial larpeirada. Levamos un par de semanas que andamos vezando nesta masa tan saborosa que é o follado, así que pensamos en complementalo con algo novidoso e arriscado. E entendimos por risco a mestura do salgado e o doce, que neste caso se concretaba na marmelada de cebola. E parece que foi ben. Sobre todo porque logramos un prato cun toque moi moi característico e que se o prabades, veredes que nada ten que ver con ningún outro. Ollade:

Marmelada de cebola con xitaque e queixo sobre follado

Ingredientes:

• 1 lámina de follado
• 8-10 cogomelos xitaque
• 7-8 anacos de queixo San Simón afumado
• Marmelada de cebola
• Un chisco de fariña
• 1 cullerada de aceite
• Pementa moída
• Sal