Focaccia

Bo día, bolboreteirxs! Como vai a semana? Xa tedes preparado o Entroido? Nós estamos desexando que cheguen eses días xa que imos facer unha ruta por Laza, Maceda... Ademais, de que as lambonadas de Entroido son as mellores, non? Para nós, se hai filloas, ou roscas, ou orellas, ou bica de Laza... xa somos felices!  

Mais mentres esperamos que cheguen eses días, traémosvos unha receita moi moi saborosa, unha focaccia! Hai xa moitos anos vos compartiramos outra versión da mesma. Porén, quixemos darlle outra volta e probar unha nova receita. Esta é moito máis grosa e máis tenra, a outra quedaba máis fina e era máis crocante. Ademais, decidimos probar outra forma de aromatizala e gustounos moito o resultado.

O truco desta masa é a forma e os tempos de amasala! Mais, aínda así, como ides ver, é moi sinxela: 

Focaccia 

Ingredientes:

• 800 g de fariña de forza
• 580 ml de auga
• 10 g de sal
• 3 g de lévedo seco de panadaría (ou 9 g do fresco)    
• AOVE

Para aromatizar (e decorar):

• Alfábega fresca
• Tomatiños cereixa

Pesto trapanese

Bo día, bolboreteir@s! Non vos derretestes? A nós pouco nos queda. Para os que non sodes moi amigos da calor, tranquis. Ui, parecemos o parte metereolóxico no sitio dun blogue gastronómico, haha.

Ben, imos ao tema. Nesta fin de semana pasada visitamos un italiano que abriu hai pouco na Coruña, Ginos. Ficamos moi satisfeitos tanto coa lasaña como coa pizza. Vale, ben tampouco somos un Tripadvisor. Para o caso, encontrámonos co pesto, que había tempo que non preparabamos e claro... idea!

Así pois, procurando inspiración na rede, coñecemos este pesto, que deriva da zona de Trapani, en Sicilia (Italia) e executámolo. Ollo, non vén só. Aquí a preparación para as vosas pastas ou o que consideredes.

Pesto trapanese

Ingredientes:

• 300 g de tomate
• 50 g de améndoas
• 50 ml de aceite de oliva
• 30 g de parmesano

Panini de queixo e panceta

Ola, bolboreteir@s!! Como vai todo? Imos tentar pór un pouco de sabor cunha outra receita. Hoxe non hai apenas factor sorpresa xa que nos puxemos a preparar masa e queixo e iso non pode saír mal nunca.

Ben, hai xa uns anos descubrimos nunha pizzaría (cadena) de Viveiro os panini. Realmente os panini en Italia, de onde son orixinarios, son unha especie de sándwich con diferentes recheos mais nós coñecemos esta outra versión ben diferente e é a que temos xa asumida. Este petisco ocupa moito máis lugar do que parece mais ao tempo resulta complexo resistirse a papar uns poucos. Xa sabedes, queixo derretido...

Pasámolo xenial con este tipo de receitas porque, como xa vos dixemos en varias ocasións, somos uns toliños das masas. Adoramos pórnos a amasar pan, pizzas, empanadas ou o que for, así que estes panini, ademais sumamente sinxelos, conforman unha receita divertida e saborosísima.

Panini de queixo e panceta

Ingredientes:

• Masa de pizza
• Fariña
• Panceta
• Queixo relado

Pizza branca carbonara

Bo día, bolboreteir@s!! Seguimos adiante con máis receitas. Hoxe imos cun clásico italiano. Estamos no ámbito do que seguramente sexa un dos nosos pratos favoritos, a pizza. E tamén con seguridade, un dos que comemos con máis frecuencia. É a nosa perdición, haha. Tentamos probar sempre aquelas pizzarías que nos ides recomendando vós e tamén as nosas amizades. E a verdade é que temos descuberto verdadeiros paraísos da masa en Galiza.

Pero tamén unha vez á semana, somos nós os que a preparamos, xogándomos cos diferentes produtos que temos pola casa. E desta volta encaprichóusenos unha das receitas de pizza máis discutidas, a carbonara. 

Sabedes que na receita orixinal non leva nata, e de feito para moitos italianos é unha verdadeira ofensa pois ven manipulada a súa creación. Pois ben, por aquí encontrarédesvos moitísimas carbonara con nata. 

Nós optamos por seguir os criterios dos italianos que son os que saben disto. Descubrimos neste proceso, ademais, que gustan moito das pizzas biancas, aquelas que non levan tomate na base senón queixo, para despois seguir o proceso de calquera outra. Vaia, vaia. Que descuberta!

Pizza branca carbonara

Ingredientes:

Para a masa:

• 500 g fariña
•  250 ml auga morna
• 15 g lévedo
• 1 cullerada de aceite 
• 1 chisco de sal

Para o recheo:

• Queixo relado ao gusto
• 150 g de bacon

Pesto de améndoas (máis unha receita con pasta)

Bo día, bolboreteir@s! Encollestes con tanta auga? Nós pasamos unha fin de semana algo fastidiados da gorxa e do estómago mais imos pouco a pouco para diante. Iso si, andamos con pratos lixeiros de momento.

Hoxe presentámosvos unha receita que nos viña solicitando un amigo seguidor desde hai xa unhas cantas semanas. E con razón, porque aínda non nos acabamos de explicar como estaba Bolboretas no bandullo sen pesto até agora. Un clásico dos mollos italianos que dificilmente pode ser máis sinxelo. Ideal así para @s que procurades unha outra opción para a pasta alén dos spaguetti con tomate. Chega con triturar e... degustar! Imos por ela!

Pesto de améndoas

Ingredientes:

• 60 g de améndoas crúas
• 30 g de parmesano
• 20 g de alfábega fresca
• 1 dente de allo

Para acompañar: 

• Pasta
• Tomatiños cherry  
• Aceite de oliva

Ñoquis caseiros en salsa

Bolboreteir@s, por aquí non vos temos o conto do black friday mais nós seguimos ofertando ilusión e sabor a partes iguais a través de moi diversas receitas. Hoxe presentamos unha pasta totalmente caseira, a primeira que facemos. Certo é que entre as pastas esta talvez sexa a máis sinxela de preparar na casa sen axuda de máquina. Tamén é verdade que a pesar de ser unha pasta italiana non se basea nos mesmos ingredientes, senón que poñen a pataca como elemento principal.
Coma sempre, moitas destas inspiracións xorden das nosas experiencias culinarias. Pois ben, había moito que non degustabamos uns ñoquis e despois da visita ao Lagar da Estrella (recomendabilísima visita a este restaurante da rúa Estrela da Coruña), o padal e o bandullo obrigáronnos a recrear esta receita que se logrou con moitísimo éxito.
Que marabilla isto da gastronomía, un mundo de constantes descubertas. Xenial!

Ñoquis en salsa

Ingredientes:

• 2 patacas
• 300 g de fariña, aproximadamente
• 1 ovo
• Pementa moída
• Sal

Para a salsa:

• 200 ml de salsa de tomate
• 1 cullerada de queixo crema
• Queixo relado
• 1 vaso de viño branco
• Allo en po
• Ourego