Callos

Bo día, bolboreteir@s! Cando parece que non damos visto a fin do confinamento, que segue a estenderse, imos traer un prato que... Ben, un prato non; O PRATO! Se había unha receita pendente ao longo destes seis anos de Bolboretas no bandullo, esa era a dos callos. Un deses manxares adorados en múltiplos fogares, que posúe mil variantes de creación, mais no que a mellor sempre é a que pasa de xeración en xeración na familia. Pensade que, ante tantos ingredientes é lóxico ter moitas posibilidades.
Entón, claro, nós temos visto moitas receitas de callos pola rede adiante mais queriamos desenvolver a nosa preferida, a da casa. Desta maneira, houbo que esperar a ter tempo libre para se producir esta entrega interxeracional de saber culinario.
Con todo, non queremos mostrar a nosa como receita universal dos callos nin moito menos mais aseguramos que vai cumprir coas demandas dos amantes desta delicia.

Señores, señoras, nov@s e vell@s. Con todos vostedes, un dos nosos pratos favoritos:

Callos 

Ingredientes:

• 800 g de garavanzos
• 800 g de tripa
• 2 patas de porco
• 3 chourizos
• 200 g de xamón
• 1 anaco de pan duro
• 1 cebola
• 1 cabeza de allos
• 3-4 dentes de allo
• 10 cravos

Dornas gorentosas

Por aquí procuramos xa embarcación porque está a caer unha boa por toda Galiza. E o que queda! Iso si, boa falta facía tamén xa un pouco de auga. E iso que nós somos moi de sol e praia, claro. 

Optamos por un barquiño ben saboroso, que chamamos dorna, non pola exactitude da súa xeometría, nin moito menos, senón pola atracción que sempre nos supuxo este termo das Rías Baixas, bastante descoñecido polo Norte. Ben, pois hai moi tempo que viramos aproveitar os boliños de pan, dándolle forma de bote con multitude de opcións para actuaren de pasaxeiros. 

E ides ver que hai moita diversidade no interior destas dornas. Unha conxunción de sabores capaz de chamar a atención do noso padal con produtos máis intensos acompañados pola suavidade doutros. De todas formas, o mellor que podedes facer é innovar co que teñades a man ou se vos ocurra. Aquí as nosas ideas!

Dornas gorentosas

Ingredientes (para dúas persoas):

Para a chouriceira:

• 1 bolo de pan
• 2 culleradas de salsa de tomate
• 1 lasca de queixo San Simón
• 1/2 chourizo
• Unha presa de espinacas
• Queixo relado ao gusto
• Ourego

Para a salmoeira:

Patacas recheas de chourizo

Por fin, sábado. Un pouquiño de tempo máis para cociñarmos con detemento e para ir organizando as receitas dunha semana que vén especial. Para martes, imos visitar as amizades carballesas e de arredores nun faladoiro que terá lugar na Biblioteca municipal ás 20 horas. Alí vos agardaremos cunha sorpresiña e con ganas de parolar.
E entre tanto, seguimos con máis receitas. Esta semana estabamos matinando en que preparar para a cea e tamén para aproveitar para o blogue. E decatámonos que aínda nunca fixeramos unhas patacas recheas. Quen o ía dicir, a estas alturas, e coas boas patacas que por aquí temos... Pouco lle pensamos aos ingredientes xa que tiñamos capricho de chourizo. E a combinación non vola imos descubrir agora. Pensamos que xa é eterna a mestura chourizo-pataca. Cantos éxitos deixa, haha.
E con estas patacas recheas, suma un máis. A vós que vos parece?

Patacas recheas de chourizo

Ingredientes (para 2-3 persoas):

• 3 patacas grandes
• 2 chourizos
• 1 xema de ovo
• 1 cullerada de manteiga

Lentellas da casa

Xa vedes, 15 de setembro mais un tempo que vai do outonal ao invernal con fortes ventos, chuvia e vaia, de frío chégalle ben tamén para o mes en que estamos... Cómpre dicir tamén que nós somos moi friorentos. E isto lévanos a pensar en pratos quentes de culler dos que adoitamos tirar máis no inverno mais que nós xa estamos recorrendo a eles. 

Revisando o noso blogue, víamos que até o de agora tiñamos algún oco posto que apenas presentamos receitas de prato fondo coma esta, así que hoxe é un bo día para comezar. E por suposto facémolo cunha das nosas preferidas desde ben pequenos, de feito recollemos aquí a receita que chegou a min por miña avoa e miña nai, non modificándomos nada dela para respectar a tradición familiar que deu coas lentellas perfectas para o noso gusto.

A pesar de que as lentellas non adoitan caracterizarse pola súa estética nin pola novidade, si as queriamos traer tamén ao blogue para lle facer a vida máis sinxela a aquelas persoas máis novas que están comezando a cociñar e lle teñen algo de medo a clásicos gastronómicos. Non resulta máis complexo preparar unhas boas lentellas do que unha pizza, así que non quededes con ganas delas.

Lentellas da casa

Ingredientes (para 4 persoas):

• 1/2 taza de lentellas
• 1 chourizo
• 3-4 lascas de xamón
• 1 cebola
• 1 tomate
• 1 cenoria