Bolboreteir@s! Parece que chegou o verán, ou canto menos os días solleiros! Non era sen tempo, haha!
Con todo, nós imos tirar hoxe para terras que non se caracterizan precisamente polas súas altas temperaturas. Viaxamos até Islandia a través dun dos seus pratos máis típicos, o flatbraud, tamén coñecido como flaikaka, e que coñecemos a través do repositorio de receitas Saladmaster. E por que unha receita islandesa? Pois recordade que iniciamos o martes pasado unha xeira de receitas mundialistas, aproveitando a competición futbolística de Rusia. E un dos países e seleccións que están causando sensación, e non só polo que sucede no terreo de xogo, é precisamente Islandia. Tod@s amamos este país nórdico así que quixemos dar a coñecer algo máis del, neste caso, obviamente, a través dos seus sabores.
Imos pois con este pan ben curioso e diferente.
Flatbraud (pan plano islandés)
Ingredientes:
- 250 g de fariña de centeo
- 125 g de fariña de trigo integral
- 200 ml de auga
- 8 g de lévedo
- Un chisco de sal
Utensilios: unha cunca, unha prancha, un rolete e unha culler.
Elaboración:
Para comezarmos, temos de mesturar as fariñas, o lévedo e o sal.
De seguir, quentamos a auga e engadímola á mestura das fariñas.
Amasamos, agora mellor coas mans, até conseguir unha masa homoxénea.
Dividimos a masa en seis porcións e deixamos que repousen 10 minutos.
Estiramos a masa cun rolete e dámoslle forma redondeada.
Agora temos dúas opcións: facelas na vaporera, aínda que vos vai levar moito máis tempo.
Ou na tixola, volta e volta.
Unha opción para comelo é dividir as tortillas en 4 porcións e, en cada unha desas partes, poñemos: salmón afumado, cogombro, queixo de cabra e o noso queixo preferido, o noso, San Simón.
Agardamos que vos guste e que poñades en práctica esta marabillosa receita.
Unha cea para petiscar ben diferente e con sabor nórdico coa que sorprenderes a convidad@s e... tamén a vós mesmos, vaia! Obviamente, nós quixemos manter a esencia da receita islandesa mais podedes partir da base e a partir de aí botardes man dos ingredientes que máis vos prazan. Quedan para o voso goce xa estes flatbraud. Forte aperta, amig@s!
Faime graza que os islandeses lle chaman "kaka" aos pasteis.
ResponderEliminarSii, son nomes moi curiosos ☺️☺️
EliminarEse pan Islandes tiene que estar de muerte relenta no lo siguiente de buena gana daba cuenta de un trozo uummmmmmm, os ha quedado de relujo.
ResponderEliminarBicos mil wap@s.
Moi fácil e delicioso! A combinación perfecta 😃
Eliminar