Bo día, bolboreteir@s! Como vai todo? Por aquí seguimos argallando receitas saudábeis aínda que é certo que esta fin de semana pecamos cos ansiados freixós (aí vos queda receita en vídeo, que xa vai tocando). Son a nosa perdición e talvez sexan a nosa lambetada preferida que tamén actúan como símbolo da repostaría galega.
Ben, deixando a xoia do Entroido a un lado, andabamos preocupados porque desde que comezamos con estes pratos sans non presentaramos ningunha sobremesa e non queremos que fiquen desconectados estes dous elementos. Así pois, démoslle unha volta a un dos nosos libros favoritos, "Cocina sana para disfrutar" de Isasaweis e chegamos a esta idea, que collemos prestada para vos presentar.
Gustounos pola asociación da pera cos cítricos xa que adoitan ir por separada. Chamounos a atención e efectivamente comprobamos que o resultado non deixa indiferente. Agora, é a vosa quenda.
Peras en salsa de cítricos
Ingredientes:
Utensilios: un cazo con tapa, un pelador, un relador e un exprimidor.
Elaboración:
Para comezarmos, temos de pelar as peras. cortamos unha fina capa da base para que se aguanten de pe. Colocámolas no cazo.
Engadimos a canela e a vainilla.
Botamos a reladura dunha laranxa e do limón.
De seguir, exprimimos as dúas laranxas e agregamos o zume mesturado coa cullerada de mel.
Cociñamos a lume baixo 25-30 minutos coa tapa posta, ou até que as peras estean cocidas.
E xa estarían listas para comer! Están deliciosas quentes, frías ou mornas 😉
Encántame...co viño están ben, mais este combinado paréceme moi interesante..
ResponderEliminarMoitas grazas
Sii, é moi orixinal! E o sabor... un espectáculo 😘😘!
Eliminar