xoves, 15 de maio de 2014

Empanada de millo con carne e cogomelos

Xa non é a primeira vez que optamos por un dos produtos estrela da gastronomía galega, a empanada, da que non nos cansaremos de destacar o seu valor. Porén, hoxe probamos a variar a masa para facela con millo, o que a fai un pouco máis complexa de elaborar, mais que lle achega un punto diferente que fai que mereza a pena, canto menos unha vez, para compararmos e despois escoller a nosa preferida.
E aproveitando que nos sobrara un pouco de carne picada doutro prato que estabamos a preparar, decidimos reenchelas disto, xunto cun pouco de queixo e claro, os cogomelos, que nunca poden faltar.
Aí vos vai, para que vos abra o apetito :-)

Empanada de masa de millo con carne e cogomelos

Ingredientes:

Para a masa:
  • 250 gr de fariña de millo
  • 100 gr de fariña de forza, máis extra
  • 5 culleradas de aceite
  • 20 gr de levadura de panadaría
  • 100 ml de auga tíbia
  • 1 ovo
  • Un chisco de sal
Para o recheo:
  • 200 gr de carne picada
  • 12 cogomelos Portobello
  • 1 cebola
  • 50 gr de queixo de Arzúa-Ulloa
  • 3 culleradas de salsa de tomate
  • 2 culleradas de aceite
  • Especias ao gusto
  • Sal
Elaboración:

Para la masa:

Nun recipiente mesturamos os dous tipos de fariña. Botámoslles o fermento diluído na auga, o sal e o aceite e imos mesturando pouco a pouco, até formar unha bóla, se é necesario engadimos máis fariña de forza. Esta masa non é tan elástica como a de trigo polo que teremos que ter máis paciencia á hora de amasar. Tapamos a masa e deixamos reposar durante unha hora. 


Mentres a masa repousa, preparamos o recheo. Para comezar, rustrimos a cebola picada en dúas culleradas de aceite. Pasados uns minutos, engadimos a carne picada previamente adobada co sal e as especias e mesturamos ben. 

Cando a carne mude de cor, botamos os cogomelos picados e, cando estes estean feitos, a salsa de tomate. Para rematar, engadimos uns dadiños de queixo, reservando a metade para despois, e mesturamos ben. 





Chegou a hora de montar a nosa empanada! Enfariñamos unha superficie lisa e estiramos a metade da masa de millo. Seguramente o maior problema desta masa estea neste punto, xa que a masa quebra con facilidade e non ten a flexibilidade da de trigo. Debedes ter coidado, e recoméndovos que xa estiredes sobre o papel vexetal para que non teñades que movela despois. Posteriormente colocamos o recheo e o resto do queixo cortado en anacos.






Estiramos a outra metade da masa e tapamos o recheo. Selamos ben os bordos para que o recheo non saia durante a cocción e pintamos con ovo.



Enfornamos a 200º durante 25 minutos,deixamos que arrefrie un pouco e lista para comer!



O resultado foi tremendamente satisfactorio. Encantounos o punto de sabor que dá a masa de millo e que talvez a faiga un pouco máis farturenta. Se xa a empanada é un produto autóctono, aínda máis a desta versións xa que como sabedes o millo era antigamente un dos recursos máis útiles da alimentación galega. 
E de vez en cando, merece a pena probar con este outro tipo de masa. Douvos esta idea para o recheo que é totalmente saborosa, mais iso vai ao gusto do consumidor. Esta saíu perfecta!! Atrevédevos con ela lambonciñ@s! :-)

4 comentarios:

  1. me encanta la masa asi de finita y con ese relleno todo un lujo! bicos

    ResponderEliminar
    Respostas
    1. Moitísimas grazas polo teu comentario ;)
      Unha aperta!

      Eliminar
  2. Bueno que pintazaaaaaaaaa tiene esta empanada, no tardare en copiarte la masa por que justo ayer me trajeron de coruña harina de millo y la otra masa me da mucho respeto al tener que ir estirandola a trocitos , seguro que con esta triunfo.
    Te ha quedado de relujo y seguro sabe mejor.
    Bicos mil y feliz finde wapa.

    ResponderEliminar
    Respostas
    1. Paréceme perfecto! Aínda que teñamos que ter máis paciencia con esta masa, o resultado merece a pena!
      Moitas grazas!
      Bicos e boa finde!

      Eliminar