Bombóns de framboesa

 Bo día, bolboreteirxs! Que tal estades? Menudo día solleiro nos encontramos hoxe. Canto apetecía! Por aquí xa nos imos dispor a probar a praia, aínda que sexa polo menos para xogar. 

Pero antes diso deixámosvos por aquí unha última lambetada que creamos para unha cea cuns amigos especiais. Queriamos algo doce mais ao mesmo tempo fresco agora que se aproximan xa datas de máis calor. Esperemos que xa vos entren polos ollos pero de todas formas, a verdadeiro sensación pracenteira virá co primeiro bocado. Adiante con estes bombóns diferentes!

Bombóns de framboesa

Ingredientes:

• Bombóns
• Iogur ao gusto   
• Chocolate con leite/negro 

Para decorar (opcional):

• Chocolate branco
• Purpurina comestíbel 

Torta Arco da Vella (1º aniversario do Xiao)

Boa noite, bolboreteir@s! Hoxe imos traervos unha das receitas máis especiais que aquí presentamos pois é a elaborada para o primeiro aniversario do peque da casa, do Xiao. 

Para non xuntarnos moitos tivemos celebracións en varios días e a verdade é que levamos unha boa tempada de doces. Algúns mercados e outros como o que aquí presentamos hoxe, feitos na casa con toda a ilusión e agarimo posíbeis. 

Tiñamos moitas ganas desde hai tempo de elaborar unha torta deste estilo e este era o momento ideal. Cun pouco de paciencia e tempo, logramos unha larpeirada apetitosa desde a primeira ollada até o último bocado. Que gozada! Imos por ela.

Torta Arco da Vella

Ingredientes:

Para o biscoito:

• 400 g de fariña  
• 400 ml de aceite de xirasol
• 400 g de azucre
• 20 g de lévedo en po
• 3 culleradas de vainilla
• 8 ovos
• Colorantes

Para o recheo e decoración:

• 525 g de manteiga
• 330 g de azucre
• 6 claras de ovos

Vasiños de mousse de chocolate con lionesas

Bo día, bolboreteir@s! Xa vistes por aí ese meme de que talvez non estean engordando para logo nos sacrificar. Pois con nós han de estar contentos porque mimadriña, estamos facendo todo un festival de sabores un día si e outro tamén.
Desta volta, tiñamos excusa: o Día do Pai. Ha, como se precisasemos nós unha motivación para facermos unha larpeirada. Ha!
Pois ben, ollando posibilidades pensamos nos vasiños pois había tempo que non faciamos nada do estilo. A partir de aí era cuestión de ter algo de maldade para procurar ingredientes moi doces: trufa, framboesa, lionesas... Nada podía saír mal. E nada saíu mal.
Pero veña, que un día é un día. Non pasa nada. Ben, e dous, e tres... Que confinamento lambón!

Sexa como for, deixamos a idea aquí para que vos deades unha homenaxe desas que non se esquecen. Velaquí vai!

Vasiños de mousse de chocolate con lionesas

Ingredientes:

Para a base:

• 15-17 galletas
• 2 cullerada de manteiga

Para a mousse de chocolate:

• 360 ml de nata
• 150 g de chocolate fondant
• 50 ml de leite
• 30 g de azucre
• 2 xemas

Para as lionesas:

• 150 g de nata
• 130 ml de nata
• 70 g de fariña
• 50 g de manteiga

Nubes caseiras

Que tal imos, bolboreteir@s? Tiñamos pendente desde hai ben tempo esta receita así que vola traemos con orgullo e co bandullo moi feliz posto que non se encontra un con larpeiradas coma estas todos os días.
Unha das "chuches" máis míticas coas que nos podemos encontrar é a nube, que a hai en mil e un deseños e cores. Lévanos acompañando desde a infancia e danos a espiña que así vai seguir sendo porque como sabedes, somos demasiados lambonciñ@s!
Desta volta, inspirámonos nunha creación doutra luguesa, Mirta Escudero, que xestiona Dulce Sentimiento e que vos recomendamos encarecidamente. A verdade é que neste caso si que iamos con bastante respecto na elaboración mais podemos xa confirmar que se deixa levar moi ben todo o proceso e o resultado é impecábel. Ollade!

Nubes caseiras

Ingredientes:

• 400 g de azucre
• 250 ml de auga
• 20 g de xelatina neutra
• 2 culleradas de pasta de framboesa (ou do voso sabor preferido)
• 30 g de maicena

Madalenas de vainilla

Bo día, bolboreteir@s! Imos pór algo de doce nesta fin de semana chuviosa. Que por certo, xa tocaba!! Éravos moito sol para o que levamos de ano. Ben, imos entón por un clásico da repostaría, as madalenas. Un clásico que nunca pasa de moda por moito que exista a sombra dos cupcakes e dos muffins. 

Ademais, as madalenas sempre se prestan moito para cociñar con peques na casa por ese proceso de construción fugaz vivido desde o forno. Ides ver hoxe aquí a versión máis tradicional, sen máis recursos que o do propio sabor achegado pola madalena. 

Hai certa escuridade arredor da orixe. Sempre veu triunfando máis a da orixe francesa, cunha campesiña que logrou que rapidamente conquistara a súa creación o Palacio de Versalles. A outra teoría ten Galiza no punto de mira xa que se di que unha rapaza de nome Madalena as vendía no camiño de Santiago tendo a concha da vieira como referente (de aí os moldes e o recheo). Sexa como for, hoxe triunfan en todo o mundo. Ollade que apetecíbel!

Madalenas de vainilla

Ingredientes:

• 240 g de fariña
• 125 g de azucre
• 60 g de aceite
• 3 ovos
• 1 iogur natural
• 1 cullerada de vainilla