Bo día, bolboreteirxs!Hoxe volvemos con novas ideas despois duns meses de descanso, e volvemos cunha receita TOP, a torta que fixemos para o 4ª aniversario de Xiao. O noso peque, ao contrario que nós, aínda non é moi lambón, mais estas barriñas encántanlle polo que intentamos recrealas en forma de torta. É unha torta sinxela, só temos que ter unha pouca de paciencia cos tempos. Aquí vos queda o paso a paso.
Torta "Happy Hippo"
Ingredientes (para un molde de 26 cm):
Para a base: - 300 g de galletas, tipo oblea
- 50 g de manteiga
Para a primeira capa:
Para a segunda capa:
- 250 g de chocolate branco
- 420 ml de nata
- 420 ml de leite
- 1 sobre e medio de callada
- Unha presa de abelás trituradas
Para a decoración:
- Chocolate branco relado
- Barriñas Happy Hippo
Utensilios: un molde, papel vexetal, un cazo, unha espátula, unha culler e un cullerón.
Elaboración:
Para comezarmos, temos que preparar a base da torta. Para iso, trituramos as galletas e mesturámolas coa manteiga derretida. Facemos unha masa e poñémola no fondo no molde. Refrixeramos.
A continuación, temos de diluír a callada no leite e botámolo nun cazo xunto coa nata e o chocolate troceado.
Deixamos cociñar até que a crema sexa homoxénea e engadimos as abelás.
Botamos no molde sobre a galletas e deixamos que calle ben, aproximadamente 25-30 minutos.
Pasado ese tempo, repetimos a mesma operación co chocolate con leite e, cando estea listo, botámolo sobre a crema de chocolate branco. Axudádevos dun cullerón para que caia de forma máis suave. Refrixeramos.
Pasadas 4-5 horas, ou incluso unha noite enteira, decoramos co chocolate relado e as barriñas.
E xa estaría lista para comer!
Agardamos que vos guste e que poñades esta receita en práctica.
Como vedes, aínda que ten varios pasos, é unha receita sinxela, bastante semellante á torta de 3 chocolates. Xa vos avisamos que é unha torta que rinde moito, vanvos dar moitas racións porque é para repartir pequenas porcións, a non ser que sexades moi lambóns/lambonas.
A nosa volta a Bolboretas no bandullo é unha receita moi doce. Porén, xa temos preparadas varias saudábeis e xa estamos argallando pratos outonais e para o Samaín. Aperta forte, bolboreteirxs!
Ningún comentario:
Publicar un comentario