sábado, 24 de outubro de 2020

Falsos calacús

Samaín, Samaín, vente vindo, que nós xa estamos con todo preparado. Andamos facendo probas para a configuración dos días de defuntos e da noite de Samaín e dunha desas probas saíu isto.

Unhas cabaciñas que nin teñen pébedas nin son froito, e que no sitio, teñen un recheo de carne moi moi saboroso. E como vedes, recórdannos na forma exterior aos calacús, como lle din en diferentes zonas da Galiza.

Pois ben, a verdade é que é un aperitivo ou incluso prato principal ben apetitoso que apetece mollar nunha salsa. Neste caso estabamos folgazáns e optamos por un clásico do súper, o ketchup. E moi ben. Se andadades con folgos, preparádelle un mollo caseiro e será xa top. Aquí vai a primeira idea deste ano para o noso Samaín gastronómico. 



Falsos calacús


Ingredientes:

  • Masa follada
  • 300 g de carne picada
  • 1 bóla de mozzarella
  • Pementa doce 
  • Curry
  • Allo en po
  • Pementa moída
  • Sal



Utensilios: Unha cunca, unha bandexa de forno, papel de forno, un molde redondo e corda.


Elaboración: 


Para comezarmos, Temos que adobar a carne co curry, o allo, a pementa e o sal. 


De seguir, collemos pequenas porcións e poñémoslles un anaquiño de queixo no medio.


Repetimos o proceso até acabar coa carne.


De seguir, facemos círculos co follado e envolvemos as bolas de carne. 



Apretamos as bolas coa corda, dándolle forma.


Enfornamos a 200º, calor arriba e abaixo, durante 30 minutos.


E xa estarían listas para comer! Podémolas acompañar con sangue de morcego ou sesos de mortos... co que máis vos apeteza 🎃☠️👻.  Forte aperta!

1 comentario:

  1. Excelente sugestão!
    Passei para desejar uma semana feliz!
    Beijinhos,
    Espero por ti em:
    strawberrycandymoreira.blogspot.pt
    http://www.facebook.com/omeurefugioculinario
    https://www.instagram.com/marysolianimoreira

    ResponderEliminar