Baos de polo picante

Ola, bolboreteirxs! Aquí estamos unha semana máis cunha nova receita. Desta volta, o peque tiña antollo de pan bao e decidimos facer baos recheos de polo picante, para el reducimos o a cantidade de picante mais igualmente estaban deliciosos.

A verdade é que estes pans, que son tan sinxelos de facer, son moi versátiles porque podemos xogar cos ingredientes que máis nos gusten ou os que teñamos pola casa. Alén de que se vos gusta a cebola, recomendámovos ter un bote de cebola encurtida, xa que lle vai dar un toque diferencial aos vosos pratos: ensaladas, hamburguesas, pizzas...

Oxalá vos guste, aquí vola deixamos.

Baos de polo picante

Ingredientes:

• Pan bao
• Cebola encurtida
• Leituga
• Salsa maionesa
• Polo picante:
• 100 ml de siracha mayo      
• 100 ml de auga
• 1 cullerada de allo en po
• 1 cullerada de cebola en po
• 1 cullerada de ourego en po

Gulas con gambas

Boa sábado de Entroido, bolboreteir@s! Hai un ano andabamos preparando todo para coñecer o entroido do sur: Xinzo, Laza, Verín... Foi unha experiencia tan espectacular que prometemos volver este ano. Mais xa vedes, igual que aos demais, tamén nos tocou aprazar unha promesa. Desta volta toca disfrazarse para andar pola casa, pasear e mesmo cociñar. Aínda que non vos é moi cómodo preparar a masa das roscas ou facer os freixós con algún conxuntiño que temos, hehe.

Vaia homenaxe nos imos dar nesta ponte. Recordade que tedes polo blogue a maiorías das receitas tradicionais do entroio: orellas, flores, filloas, roscas... Tedes para escoller. 

E entretanto, máis sabor por aquí, hoxe, algo moi sinxeliño!

Gulas con gambas

Ingredientes:

• 250 g de gulas
• 200 g de gambas
• 2 dentes de allo        
• 1 chile
• Pementa moída

Ensalada morna de garavanzos con tofu picante

Ola, bolboreteir@s! Tivemos unha fin de semana un tanto enleada e atrasamos a receita para hoxe martes. Estamos a piques de entrar nunha fase moi importante a nivel persoal e tamén a nivel blogueiro e claro, non dá o tempo para todo. Ben, para comer ten que dar si ou si. E para comer ben, tamén!
Pois, seguimos aproveitando os días solleiros e o clima estival para receitas non moi pesadas que nos ofrezan un cúmulo de recursos para o día a día.
Ademais, sumamos unha máis para as nosas receitas veganas, unha alimentación que nos ofrece moitas posibilidades e tamén moito para aprender dela!
Fixádevos a marabilla gastronómica que aquí presentamos.

Ensalada morna de garavanzos con tofu picante

Ingredientes:

• 300 g de garavanzos cocidos
• 250 g de tofu
• 1 aguacate
• 13-14 olivas negras
• 3-4 culleradas de salsa de tomate
• 1/2 culleriña de allo en po
• 1/2 culleriña de comiño
• 1/2 culleriña de ourego
• 1/4 culleriña de pemento picante
• 1 chile

Gambón ao curry con panko

Bo martes, bolboreteir@s!! Hoxe traemos unha receita sinxela mais para xornadas especiais pois poucas veces se procura excusa para degustar delicias como a que aquí presentamos. Non para todos os días tampouco polo prezo xa que non nos podemos permitir comer marisco acotío (aínda que non estaría mal ;-o).

Hai un par de anos preparáronnos esta mesma receita uns amigos moi especiais e tamén moi lambonciños, sendo este o noso primeiro encontro co panko. Como se dan moi boa maña para a cociña ficamos marabillados co prato e prometimos reproducilo. Foi ficando aprazado mais esta semana pasada, coa visita destes mesmos amigos, decidimos que era o momento.

O panko, para @s que non coñecedes, procede dun pan xaponés elaborado de forma óhmica e que fica idóneo para ser relado despois. Ademais da textura, máis gorda que o pan relado que coñecemos, achega uns matices do máis interesante. Aquí o tedes!

Gambón ao curry con panko

Ingredientes (para 4 persoas):

• 1 kg de gambón
• 1 cullerada grande de curry (picante)
• Pementa moída
• Sal
• Panko (ou pan relado)
• Fariña

Arroz picante con champiñóns

As nosas vacacións polas Illas Baleares chegan á súa fin mais as receitas continúan. Entanto imos acumulando unha chea de pratos coñecidos e degustados en Mallorca que levaremos á práctica proximamente, traémosvos un recurso para o día a día dos que non dan traballo ningún e dos que alimentan ben. 

O arroz así como outros cereais tórnanse fundamentais na nosa alimentación polos hidratos que nos achegan. Con todo, de degustarmos acotío arroz branco con salsa de tomate acabaremos aborrecidos del e obviamente non terá grandes beneficios. Así pois, o ideal é, comermos arroz unha ou dúas veces á semana e facérmolo de diversas formas xa que este ofrece mil e unha posibilidades de combinación permitíndonos integralo con verduras, carnes, peixes...

É clave contarmos cun bo arroz mais tamén cuns bos acompañantes así que nós sempre procuramos aqueles que máis nos gustan. Os arroces son uns dos pratos máis personalizábeis que hai e unha boa oportunidade para dar un "toque de chef importante". Aquí a nosa opción de hoxe :-)

Arroz picante con champiñóns

Ingredientes: 

• 1 vaso de arroz 
• 8 champiñóns 
• 1 cebola 
• 1/2 pemento vermello
• 2-3 dentes de allo 
• 50 g de queixo 
• 1 chile 
• Aceite 
• Auga 

Solombo con salsa á pementa verde

Señoras, señores, están tod@s aí? Non vos levou o río nin o aire?? Pois iso xa é para estar content@s porque metímonos no inverno ben de cheo. Mais sempre hai que ollar todo de forma positiva. Para nós estes son os mellores días para pasar mañás ou tardes enteiras argallando novos pratos na cociña, facendo algunha larpeirada e demais. Como pasear non se pode...

E así faremos esta fin de semana, mais tamén aproveitamos para vos traer outra das nosas receitas para seguir sumando. Xa sabedes que por estas datas sempre aproveitamos de todo o cociñado no Nadal por iso temos hoxe un outro destes pratos que tiveron protagonismo nos nosos menús. Un outro clásico para amantes da carne, feito desde a sinxeleza xa que unimos carne, patacas e unha salsa moi simple mais cun sabor inconfundíbel e que dá marabillosamente co solombo. E iso ben o saberedes a maioría xa que seguro que degustastes este prato algunha vez en restaurante. Mais o caso é comprobar que todo se pode facer caseiro con igual éxito. Ou máis! Aí vai:

Solombo con salsa á pementa verde

Ingredientes:

• Bistés de solombo de porco
• Sal de Maldon

Para a salsa:

• 500 ml de nata para cociñar
• 1 culleriña de graos de pementa verde
• Un chisco de brandy

Focaccia rápida picante

Xa había tempo que non dabamos unha desas voltas gastronómicas que tanto nos gustan pola Italia e hoxe cunha variante dunha receita xa antes elaborada, a focaccia. Tentamos darlle unha volta a este produto exquisito mudando algún que outro ingrediente, e sobre todo reducindo os tempos de preparacións para lograr da focaccia unha opción válida e moi interesante ante calquera xantar ou cea que xurda de repente. Tiñamos algo de respecto polo resultado, mais ficou espectacular e non notamos para nada a elaboración máis apurada. Así que non tedes polo que vos preocupar, se vos apetece focaccia e tedes pouco tempo, tranquil@s que tedes esta nova opción.

Focaccia rápida picante

Ingredientes:

• 300 gr de fariña de forza
• 80 gr de auga, aproximadamente
• 1/2 vaso de aceite de oliva, máis unha cullerada
• 8 gr de lévedo
• 1/2 cebola
• Uns dadiños do queixo que máis vos guste
• 2 dentes de allo
• 2 chiles pequenos
• 2 culleriñas de alfábega
• 1/2 culleriña de sal
• 1/ culleriña de azucre