Pizza, en masa de follado, saudábel

Bo día, bolboreteirxs! Case finde, verdade? Que ganas temos xa despois desta semana de exames!

Como vedes, aquí estamos un xoves máis cunha nova receita. Desta volta, unha pizza, que nos inspirou TikTok ;). É moi vistosa e saborosa, ademais de ser moi completa nutricionalmente. Nós propoñémosvos estes ingredientes, mais sabedes que hai que xogar cos ingredientes, e ver tamén que temos na casa!

A masa co toque do sésamo queda xenial e moi crocante!

Aquí vos deixamos a receita!

Pizza, en masa de follado, saudábel

Ingredientes:

• 1 lámina de follado
• Pesto:
• Anacardios
• Alfábega
• Parmesano
• AOVE
• Pementa moída
• Tomate cereixa (ou tomate normal)    

Pizza crocante de pesto e verduras

Bo día, bolboreteir@s! Por aquí aínda non comemos a estas alturas (14 horas agora mesmo) e imos realizar a árdua tarefa de recrear esta receita cando que estamos caninos. Temos algo de masoquismo ás veces, haha.

Ben, hai un deses pratos que gustan a case todos, especialmente aos peques e que nós, para non nos saír da normalidade gastronómica neste caso, adoramos inmensamente. Si, falamos da pizza. A verdade é que na nosa casa xa temos xornada dedicada á pizza, probándomos cada día as múltiplas posibilidades que esta nos ofrece. 

Certo é que a maioría das que facemos non as presentamos aquí porque simplemente varían no recheo. Mais esta merece un oco pola diferenza canto a masa, salsa e tamén ingredientes. É unha pizza atrevida cuxa inspiración parte dunha probada a semana pasada nun italiano da Coruña como vos dixemos na anterior entrada.

Imos ver como se prepara!

Pizza crocante de pesto e verduras

Ingredientes (para 2 pizzas):

• Masa de pan crocante
• Pesto trapanese
• Queixo mozzarella
• Brócoli

Pesto trapanese

Bo día, bolboreteir@s! Non vos derretestes? A nós pouco nos queda. Para os que non sodes moi amigos da calor, tranquis. Ui, parecemos o parte metereolóxico no sitio dun blogue gastronómico, haha.

Ben, imos ao tema. Nesta fin de semana pasada visitamos un italiano que abriu hai pouco na Coruña, Ginos. Ficamos moi satisfeitos tanto coa lasaña como coa pizza. Vale, ben tampouco somos un Tripadvisor. Para o caso, encontrámonos co pesto, que había tempo que non preparabamos e claro... idea!

Así pois, procurando inspiración na rede, coñecemos este pesto, que deriva da zona de Trapani, en Sicilia (Italia) e executámolo. Ollo, non vén só. Aquí a preparación para as vosas pastas ou o que consideredes.

Pesto trapanese

Ingredientes:

• 300 g de tomate
• 50 g de améndoas
• 50 ml de aceite de oliva
• 30 g de parmesano

Filete recheo de pesto con patacas á crema

Bo día, bolboreteir@s! Insistimos sempre na necesidade de lle dar unha segunda ou terceira vida aos nosos pratos e receitas. Referímonos con isto as posibilidades das coñecidas como "sobras" para que non acaben desaproveitadas no lixo.

Desta volta imos co pesto que nos sobrou da receita que presentamos o pasado martes onde tivo protagonismo xunto a unha pasta fresca, tal e como recordades. Ben, pois como talvez vos pase a vós cando preparedes este mollo, decidimos presentarvos a nosa última creación. Dicimos que é posíbel porque o pesto é moi intenso e con pouco adoita chegar para moito polo que pode sobrar.

Desta volta, pensamos en combinar con algo ben diferente, unha carne que non se deixa levar tanto polo pesto mais que segue a combinar con moito xeito, incluíndomos ademais un acompañante do maís acaído. Imos con esta nova receita!

Filete recheo de pesto con patacas á crema

Ingredientes:

Para o filete:

• 2-3 filetes
• Salsa Pesto
• Allo en po
• Pementa en po
• Aceite de oliva

Para as patacas:

• 2-3 patacas
• 200 ml de leite evaporado