Pizza de brócoli e bacon (mais unha mini-receita)

 Bo día, bolboreteir@s! Chegamos cun pouco de retraso porque na finde houbo moito trafego preparando as avaliacións. Vale, e tamén aproveitando un pouquiño o sol ;-)

Pois hoxe imos cun deses clásicos en calquera casa: a pizza. Aínda que ben sabemos que non todos optades pola masa caseira, non podemos máis que insistirvos en que vos animedes con ela pois a diferenza é notabilísima.

A pizza está sen dúbida, no noso top5 de pratos favoritos pero destaca entre eles por ser o que logra ter un día da semana fixo. Imos ver, fixo fixo non é, pero un día á semana nesta casa dedicado á pizza sempre hai. E normalmente asociado á fin de semana. É dicir, a pizza é pura alegría. 

Aquí vos traemos unha opción que probamos esta semana e que nos pareceu moi interesante para compartir convosco. 

Pizza de brócoli e bacon

Ingredientes:

• Masa de pizza
• Salsa de tomate  
• Queixo relado
• 150 g de bacon

Pasta con brócoli

Bo día, bolboreteir@s! Despois deses berberechiños saborosos desta semana, metémonos na rutina blogueira para vos traer un recurso para o día a día. En todas as casas temos a pasta preparada para tirar dela unha ou dúas veces á semana así que, como dicimos sempre para este tipo de recursos frecuentes, nós recomendamos varias posibilidades a ter en conta. 

E pasta hai moitas formas de a papar para nos quedar unicamente coa pasta con tomate ou pasta bolognesa. A de hoxe havos de interesar moito, especialmente ás persoas amantes das verduras ou tamén ás que queredes integralas na vosa alimentación ou na dos peques. 

Fixádevos pois en como aquí entra o brócoli facendo atractivo, colorido e sobre todo moi saboroso o prato. 

Pasta con brócoli 

Ingredientes:

• 400 g da pasta que vos guste 
• 1 brócoli
• O zume dun limón 
• 2-3 champiñóns       
• 2-3 dentes de allo
• 1 chile 

Pasta con salsa de anacardos

Mimá, pero que temperaturas son estas¡? Estamos desubicados, amig@s! Mais o Norte aínda non o perdemos. Como isto siga así imos comezar cos xeados, ensaladas frescas e demais...

Pero ben, tranquis, que mañá ou pasado volve isto ao rego, haha. Non vaia ser que se nos gasten os días solleiros.

E aquí seguimos coa rutina sabedeira traéndomos unha receita ben apetecíbel que vos han de dar xogo nos vosos menús semanais. A pasta non falta en practicamente ningún fogar por unha cuestión económica e de rendemento, mais claro, preparar sempre pasta con tomate ou con carne pode levar ao aborrecemento polo que convén ter un abano de posibilidades para crear. Aquí unha ben interesante.

Pasta con salsa de anacardos

Ingredientes:

• Pasta ao gusto
• 300 g de anacardos
• 1 brócoli
• 4-5 champiñóns
• 4 dentes de allo
• 1 chile

Salsa boloñesa vegana

Ola, amig@s! Traemos hoxe unha receita ben clásica e ao tempo, ben diferente. Xa vos dixemos moitas veces o que gustamos da alimentación vegana. Non a seguimos mais botamos man dela en moitas ocasións pola creatividade que ofrece e tamén polas múltiplos beneficios nutritivos. Coñecemos produtos e sobre todo descubrimos resultados tan sorprendentes como o que hoxe presentamos.
Fomos algo desconfiantes no inicio porque viamos xente na rede que cuestionaba o sabor da soia por si soa. Para nós era a primeira vez mais ficamos moi moi contentos co seu sabor. É moi suave e cunha textura moi similar á da carne picada. Vaia, por que non botarmos man dela con máis frecuencia! Aí imos!

Salsa boloñesa vegana

Ingredientes:

• 250 g de soia texturizada
• 300 g de salsa de tomate
• 1 brócoli
• 2 cenorias
• 1/2 cebola
• 2 dentes de allo

Polo con curry e lima ao vapor

Bo martes, bolboreteir@s! Como levades a semana? Nós xenial despois da marabillosa experiencia que tivemos onte no Mestrado de Didácticas Específicas da Universidade da Coruña en que reflexionamos arredor da lingua e a gastronomía, cociñamos e claro, tamén saboreamos, que para iso somos ben lambonciñ@s!

E entretanto, toca continuar con máis receitas. A de hoxe foi un experimento cunha nova adquisición, unha vaporeira xaponesa coa que andamos a argallar. Desde logo, este saíu moi moi ben. O polo é talvez a carne máis recorrente para a nosa alimentación diaria polo que procuramos moi diversas formas de o preparar e así non aborrecelo. Esta vai directa á nova colección pois alcanzou nota moi alta.

O toque de lima e curry danlle moitísima intensidade e xa acompañado dunha das nosas verduras favoritas logramos un prato exquisito. Velaí vai!

Polo con curry e lima ao vapor

Ingredientes:

• 2 peitugas de polo enteiras
• 2 culleradas de curry
• 1 culleriña de allo
• 1 culleriña de ourego
• Pementa moída
• Un chisco de sal

Fideos de arroz con pavo e verduras

Bo día, bolboreteir@s!! Como levades a fin de semana? De seguro que xenial, moit@s andaredes polo San Froilán (desfrutade!) e outr@s agardando a preparar os primeiros magostos da tempada, que xa van tardando.
Nós aproveitando para corrixir e preparar aulas e tamén para elaborar novas receitas entre as que se encontra a que hoxe vos presentamos.
Hai unhas semanas fomos cuns amigos ao restaurante asiático da rúa San Andres da Coruña, KohLanta o cal vos recomendamos moi encarecidamente. Ben, pois alén de gozar de moi diferentes pratos de fusión xaponesa-tailandesa, tamén poñén produtos ao dispor do comensal para mercar, difíciles de adquirir noutros lugares. Como os probaramos ese mesmo día, non puidemos evitar levar estes tallaríns de arroz.
Con eles configuramos un prato de pasta diferente pola textura do produto base e pola variedade de produtos que fomos achegando entre os que destacan, por exemplo, o xenxibre ou a soia. Vaia xoia!!!

Fideos de arroz con pavo e verduras

Ingredientes:

• 200 g de fideos de arroz/noodles
• 2 filetes de pavo
• 1 brócoli
• 2 cenorias 
• 1 cebola
• 1/2 pemento 
• 2 dentes de allo
• 5-6 culleradas de soia
• 1/2 vaso de auga
• 2 culleradas de aceite
• 1 culleriña de xenxibre

Quinoa con brócoli e tenreira

Feliz Día da Patria, galeg@s!!! Hoxe é día de festa en todo o país e moitos xa estaredes en Santiago ou de camiño á capital para festexar. De igual modo, o 25 é día de celebración en moi diversos puntos do territorio (parroquias, vilas, cidades...). Vivimos o verán de festa en festa.

E comendo, claro. Tiñamos unha serie de receitas acumuladas con estes días que contamos con máis tempo e hoxe presentámosvos unha moi recorrente, coa nosa amada quinoa, un superalimento que se tornou imprescindíbel na nosa alimentación e que dá xogo para moi diversos pratos.

Desta volta, para lograr un prato aínda máis completo, integrámola con carne e verduras. Cousa saborosa!!! Talvez non actúe este como o mellor menú de festas mais si para os pratos do día a día en que non contamos con moito tempo. 

Aí vai esta nova creación bolboreteira!

Quinoa con brócoli e tenreira

Ingredientes:

• 250 g de tenreira
• 200 g de quinoa
• 200 ml de auga
• 100 ml de viño
• 1/2 brócoli
• 1 cebola
• 2-3 dentes de allo
• 2-3 culleradas de soia
• 2 culleradas de brandy
• 1 cullerada de curry
• 1 cullerada de ourego

Tosta salteada de falso meixón e brócoli

Chegou a fin de semana e seguen as receitas de Bolboretas no bandullo despois dunha semana moi especial en que estivemos de visita por Carballo. Por certo, aproveitamos o artigo para agradecermos o convite e a asistencia de todas as persoas que no auditorio estivestes. Non quedou ninguén sen participar o que nos encheu de alegría!
Ben, pois seguimos argalla que te argalla coas receitas! Desta volta cun experimento. Como sabedes, ultimamente andamos con menos tempo por mor do traballo. Así pois, procuramos solucións rápidas para as ceas e tamén para vos presentar no blogue. Desta volta, antolláronsenos as coñecidas como "gulas" así que decidimos procurarlles forma. Para ganar en consistencia, procuramos unha base de follado ao estilo das tostas de pan e gañamos en forza co brócoli que tanto nos gusta.
Agora ben, explicamos o nome do prato. O termo gula non existe no galego para nos referir á cría da anguía. O nome para esa miniatura mariña é meixón. Porén, as que compramos no mercado adoitan estar feitas principalmente con surimi e non cos propios meixóns, de aí que lles chamemos falso meixón. Desta vez non se debe a ningún truco culinario, haha.

Tosta salteada de falso meixón e brócoli

Ingredientes:

• 250 gr de sucedáneos de meixón   
• 1 brócoli
• 1/2 lámina de follado
• 4-5 dentes de allo
• Aceite de oliva
• 1 chile
• Pementa moída
• Sal
• Un chisco de fariña

Shepherd's pie

Resistíndomos esta fin de semana invernal que nos vén enriba, recuperamos a sección de receitas internacionais para dar a coñecer un prato británico que elaboramos nesta semana. Adoita dicir que o Reino Unido ten moitas calidades, mais que a cociña non é unha delas. Nunca concordamos con este tópico, xa que aínda que non destace gastronomicamente tanto como outras nacións, hai un amplo abano de delicias para escoller. Despois, certo é, que gustará máis ou menos o estilo, mais hai moito máis do que en ocasións podemos pensar.

Temos bo exemplo neste Shepherd's pie, completísimo e moi moi saboroso. Aínda que tradicionalmente o sheperd se elabora con cordeiro, ao non gustarmos moito desta carne, prefirmos facela coa de porco. Tamén porque sempre temos unha pouquiña gardada no conxelador para nos sacar de calquera apuro. Ben é certo, que nós coñecimos esta receita a través dos EUA, e alí, a ternera resulta máis recorrente.

Sexa cunha ou outra, en función dos comensais, difícil será vermos quedar con fame a alguén xa que presenta bastante potencia. E como non, sabor, moito sabor!

Shepherd's pie

Ingredientes:

• Puré de pataca (receita aquí)
• Queixo relado
• 500 gr de carne picada
• 8-10 cogomelos
• 1/2 brócoli
• 1 tomate

Brócoli con falsa bechamel e cogomelos ao forno

Amig@s lambereteir@s, xa estam@s aquí unha vez máis para vos traer un prato revolucionario para a vosa alimentación variada e saudábel. Se xa hai tempo que vimos comendo máis e máis brócoli, pois xa decidimos elevar esta verdura aos altares gastronómicos con esta receita en que se lle saca o máximo partido.

Derivados lácteos, verduras, especias ou fungos teñen cabida nesta delicia que nos pode recordar en certa medida á lasaña, mais que presenta uns trazos ben específicos. 

Non servirán as excusas para aqueles/as que din que non quedan fart@s coas verduras, que non @s sacia o suficiente. Unha ración deste brócoli deixa contento o bandullo máis exixente. Ademais xa sabedes as múltiplas propiedades deste alimento, entre elas a alta cantidade de vitamina C e unha chea de fibra alimentaria.

A pesar de que se escoita moito por aí, a denominación brecol, recordade que en galego debemos chamarlle brócoli, aínda que iso non variará o sabor ;-)

Brócoli con falsa bechamel e cogomelos ao forno

Ingredientes:

• 1 brócoli grande (ou 2 pequenos)
• 350 gr de cogomelos variados 
• Falsa bechamel (receita aquí)
• Queixo relado 
• 2-3 dentes de allo
• 1/2 culleriña de cúrcuma

Lazos con brócoli e crema de queixo San Simón

Como vai amig@s! Se outros días xa facemos chamada de atención aos chocolateiros e chocolateiras, hoxe tócalles ás queixeiras e queixeiros, que debemos ser a grande maioría de Galiza, claro.

Tivemos a sorte, de que a semana pasada nos agasallaron cun queixo de San Simón afumado que está para morrer do pracer só con lle meter o dente. Con todo, non queríamos acabar con el só a dentadas e petiscos, así que pensamos en tirarlle proveito nun mollo de sabor intenso. E a verdade é que coa forza que teñen estes queixos, só uns anacos bastan para lle dar ese toque caracterísco co que invadir o noso prato.

Se tiñamos clara a salsa, non tanto o elemento co que utilizala, mais acabamos por recorrer á pasta, que tan ben se nos adapta sempre e aproveitamos un pouco do brócoli (como nos encanta!) para o facer un pouco máis completo.

Pratos así non se degustan todos os días, e senón habédelo de ver cando vos animedes a facelo.

Lazos con brócoli e crema de queixo San Simón

Ingredientes (para 4 persoas):

Para os lazos de brócoli:

• 300-350 gr de lazos
• 1 brócoli
• 4-5 dentes de allo
• 2 culleradas de aceite
• Un chisco de ourego
• Auga

Para a crema de queixo San Simón:

• 500 ml de leite
• 180 gr de queixo San Simón