Polo en salsa de cacahuetes

 Ola, bolboreteirxs! Que tal? Aquí estamos unha semana máis cunha nova receita. Desta volta, imos probar a facer unha salsa de cacahuete para acompañar polo e arroz. Como vedes, ímoslle dar unha volta a dous ingredientes que son básicos na nosa cociña e seguro que na de moitos de vós. 

Xa sabedes que nos encanta xogar cos produtos e intentar ser creativos e, xa vos adiantamos, que este prato nos gustou moito. 

Aquí vos deixamos a receita: 

Polo en salsa de cacahuete

Ingredientes: 

• 2 peitugas de polo
• 1 bote de leite de coco
• 4-5 culleradas, grandes, de crema de cacahuete       
• 5-6 culleradas de salsa de soia
• O zume dun limón 
• 1 dente de allo

Para acompañar: 

• Arroz branco
• Allo en po
• Cebola en po
• Salsa de soia
• AOVE

Utensilios: unha recipiente hermético, un par de tixolas e unha culler de mesturar.

Elaboración:

Para comezarmos temos de adobar o polo. Para iso, cortámolo en anacos e botámoslle o zume do limón.

3 culleradas da crema de cacahuete (nós usamos a que trae anacos de cacahuete), ben colmadas, e a metade da soia. Tamén o dente de allo. Mesturamos moi ben e refrixeramos, se podemos, unha noite enteira. 

                                                                

Pasado ese tempo, rustrímolo nunha tixola 2 min. De seguir, agregámoslle o leite de coco.

O resto da crema de cacahuete e a soia. Mesturamos moi ben e cociñamos até que a salsa reduza un pouco, nós deixámolo uns 20 minutos a lume baixo.

 

Para acompañar, rustrimos arroz en dúas culleradas de AOVE e sazonámolo coas especias e a soia. A nós, gústanos ben crocante.

No fondo do prato servimos o arroz e por encima o polo coa salsa. Decoramos cuns poucos máis de cacahuetes e xa estaría listo para comer.

Que vos parece? Unha forma diferente de facer polo e cun sabor moi diferente! A próxima vez, incluíremos algunha verdura como cebola, cabaciña ou incluso bataca, que seguro ha quedar delicioso tamén. Alén do polo, o arroz feito desta forma queda delicioso e é ideal para acompañar outro tipo de pratos, incluso para facermos unha ensalada de arroz. 

Agardamos que vos guste e que a poñades en práctica.

Aperta forte!

Lémonos, bolboreteirxs!