Bo día, bolboreteir@s! Como estamos? Aquí procurando o equilibrio entre a alimentación saudábel e as festas, celebracións e comidas que van xurdindo e que nos traen bombas lambonas imposíbeis de rexeitas. Hoxe toca traervos un prato do primeiro apartado. As nosas compras da semana agora caracterízanse por verdura, moita verdura e adoramos ideas coma estas que dan cabida a varias delas.
Cómpre dicir, que esta idea parte dun xantar de hai unhas semanas en Lugo, no marabilloso restaurante Cachivaches, ubicado na zona universitaria. Probamos este prato, namoramos e recreamos na casa. Agora, transmitimos a receita para que aproveitedes a saborear esta delicia.
Ollade, sinxelo, saborosa e enche moito máis do que podades pensar nun principio!
Milfollas de verduras
Ingredientes:
- Tomate
- Berenxena
- Cabaciña
- Setas
- Queixo Enmental
- Allo en po
- Ourego
- Pementa moída
- Sal
- Aceite de oliva virxe extra
Utensilios: táboa e coitelo, relador e unha fonte apta para o forno.
Elaboración:
Para comezarmos, cortamos en lascas o tomate e colocámolos na fonte. Imos facer montóns. Sazonamos ao gusto.
Seguimos coa berenxenas e a cabaciña. Sazonamos.
Unha seta para finalizar os milfollas.
Cubrimos co queixo relado e un pouco de aceite de oliva virxe extra.
Enfornamos a 200°, calor arriba e abaixo, durante 25-30 minutos.
E xa estarían listos para comer! Agardamos que vos gusten 🤩! Aquí deron para unha gorentosa cea e non sobrou o primeiro. Aperta forte, amig@s!
Ningún comentario:
Publicar un comentario