Ola, bolboreteir@s!!! Si, a ver, o da dieta talvez quede para outra semana, outro verán ou outra pandemia porque non nos podemos resistir ante tantas tentacións cerca. Desta volta, ante a visita dunha amiga pensamos en preparar algo moi lambón en pouquiño tempo e demos coa combinación que cumpre á perfección eses requisitos. Se hai algo que nunca decepciona é a mestura de follado e chocolate. 100% eficaz (senón, devolverémoslle o tempo investido na preparación da receita, que ben pouco é).
Trenzas, flores, caracolas... non é moita innovación. Simplemente damos un aspecto que nos guste e despois simplemente toca gozar. O dito, aquí está a nova lambiscada!
Caracolas de chocolate
Ingredientes:
Utensilios: unha bandexa apta para o forno, papel vexetal, un pincel e un coitelo.
Elaboración:
Para comezarmos, temos de estirar unha das láminas do follado.
Estendemos unha capa de crema de cacao.
Tapamos coa outra capa de follado.
Cortamos en tiras a masa rechea.
Enrolamos sobre si mesmas as tiras.
E, despois, facemos círculos.
Pintamos con ovo batido e, se queredes, empoade cun chisco de azucre.
Enfornamos a 220º, calor arriba e abaixo, até que estean douradas, aproximadamente 15 minutos.
Deixamos que se atemperen un pouco e xa estarían listas para comer!
Agardamos que vos gusten e que lles podades tirar proveito para unha merenda ben gustosa ou unha sobremesa rápida que cumpre co esperado. Até a próxima, amig@s!
Ningún comentario:
Publicar un comentario