Un dos encantos da cociña é o de nos entreter e por iso botamos man nunha desas tardes de descanso. A escolla neste caso foi a dunhas clásicas galletas de nata moi sinxeliñas de facer, rápidas e moi saborosas. Ademais son coñecidas como galletas galegas xa que parece que eran típicas de moitos conventos da Galiza. Sexa como for, é unha boa receita para nos divertir un pouco facendo masa e dándolles a forma que máis nos apeteza. Unha sobremesa clásica perfecta para moit@s comezar a vosa andaina no mundo da repostaría.
Ingredientes:
Galletas de nata
- 200 ml. de nata para cociñar
- 400 gr. de fariña
- 1 vaso de azucre
- 2 ovos
- Reladura de limón
- 1 culleriña de lévedo en pó
