Brownie de chocolate e noces

E como vistes, xa van seis meses con vós, traéndovos semanalmente un pouco de cociña en galego que sabemos que vos gosta :-) E por iso, seguimos, e facémolo cun doce, na liña das últimas receitas. A verdade é que despois deberemos compensar con algunha ensaladiña ou algo, mais o doce tamén é necesario!

Hai tempo trouxéramosvos un brownie algo diferente, de chocolate branco (receita aquí) mais desta volta optamos por unha versión máis clásica, que a verdade, é da que máis gostamos. Así pois, dándolle o noso toque persoal, procuramos elaborar un brownie completo con moito sabor, e sen dúbido, alcanzouse o obxectivo. Aí o tedes.

Brownie de chocolate e noces

Ingredientes:

• 300 gr de chocolate con leite
• 300 gr de azucre
• 200 gr de fariña      
• 175 de manteiga
• 100 gr de noces/abelás/améndoas...
• 4 ovos
• 25 gr de cacao
• 1 culleriña de lévedo
• Opcional: azucre glas ou xarope de amorodo e amorodos

Torta de dous chocolates con améndoa

Esta semana tiven un par de encargos para dous aniversarios así que entón aproveitei para pór en práctica algunha torta que tiña en mente e que tiña ganas de facer xa hai un tempo. Hoxe preséntovos unha delas, unha verdadeira oda ao chocolate e ao doce en xeral, a torta de dous chocolates con abelás. Como xa veriades noutras receitas, tiro moito proveito da mestura destes elementos, aínda que a verdade poucas veces ficou un resultado tan óptimo como nesta sobremesa. Segundo as miñas informacións non durou máis de 10 minutos na mesa, todo un éxito :-)

Torta de dous chocolates con abelás

Ingredientes:

• 4 ovos
• 175 gr de manteiga
• 125 gr de azucre
• 150 gr de chocolate negro
• 100 gr de chocolate con leite
• 140 gr de améndoa 

Para a decoración:

Napolitanas de chocolate e abelás

Máis que Semana Santa imos facer desta unha Semana doce porque a receita de hoxe é para @s máis larpeir@s,as napolitanas! Un clásico de todas as pastelarías que podemos optar por realizar nas nosas casas sen lles ter nada que envexar. E desta forma podemos reenchelas do que quixermos, aínda que nós desta vez optamos polo tradicional chocolate, acompañándoo dunhas abelás logrando unha magnífica combinación reposteira.

Canto á orixe desta sobremesa, pois non está tan clara como parece co seu nome. A denominación "napolitanas" fainos pensar na cidade italiana de Napoli, mais polo que parece noutras linguas coñecese como pain au chocolat o que dá lugar a unha posíbel orixe francesa. Teríamos aí un tema do que tirar para unha posíbel investigación gastronómica... :-) Aí vai este riquísimo doce! 

Napolitanas de chocolate e abelás

Ingredientes:

• 1 masa de follado
• Crema pasteleira de chocolate (a receita está aquí)
• 75 gr de abelás
• 1 ovo

Brownie de chocolate branco

Lambereteir@s, non nos resistimos máis e xa preparamos outra receita doce, perfecta para o almorzo ou para a merenda acompañada dun vaso de zume, un té, unha infusión ou un café.

Como xa saberedes, o brownie é un doce estadounidense, que se descubriu cando un pasteleiro esqueceu botar o lévedo a un pastel de chocolate. Orixininalmente estaba feito con chocolate negro, de aí a súa denominación (brown=marrón); polo que, neste caso, ao ser unha variación da receita orixinal feita con chocolate branco poderiamos chamarlle whitenie (white=branco). 

Brownie de chocolate branco

Ingredientes:

• 200 gr de chocolate branco
• 80 gr de manteiga
• 3 ovos
• 130 gr de fariña
• 150 gr de azucre
• Culleriña de vainilla
• Abelás, ou un froito seco que vos guste
• Chisco de sal