martes, 1 de marzo de 2016

Pizzas rápidas

Bo día, bolboreteir@s! Hoxe erguémonos con novas de Bolboretas no bandullo xa que algo falan na prensa de nós e dos nosos seguidores e seguidoras. Aí tedes o artigo Voz de Galicia que nos fai moitísima ilusión.
E a todo isto, nós seguimos con diferentes receitas que nos permitan saír de calquera apuro ou facer unha sabororísima cea en pouco tempo naquelas xornadas en que máis cans@s estamos. Non imos cambiar a pizza tradicional por nada do mundo, sobre todo porque é un dos nosos manxares de referencia, mais si é certo que precisa o seu tempo entre o lévedo da masa, a cocción e demais. Por iso, traémosvos unha solución máis apurada e de bo rendemento. Tres diferentes opcións de pizzas en que a base consiste nas tortillas mexicanas con que adoitamos facer as "fajitas" ou "burritos". Aínda que temos a receita das propias tortillas aquí, como consiste nunha receita rápida, xa aproveitamos as mercadas integrais.
Nós o que fixemos, foi probar diferentes combinacións para ver cal ficaba mellor. As tres encantáronnos. aínda que hai unha vencedora. Ollade para ver cal é a nosa preferida! 

Pizzas rápidas


Ingredientes:

Para a 1ª opción: de mexillóns
  • 1 tortilla mexicana
  • 3-4 culleradas de salsa de tomate
  • Un chisco de ourego
  • 1/2 bola de mozzarella
  • 1 lata de mexillóns
  • 7-8 olivas 
Para a 2ª opción: de queixo
  • 1 tortilla mexicana
  • 3-4 culleradas de salsa de tomate
  • Un chisco de ourego
  • 1/2 bola de mozzarella
  • Queixo relado
  • Queixo en lonchas
Para a 3ª opción: de coliflor
  • 1 tortilla mexicana
  • 3-4 culleradas de salsa de tomate
  • Un chisco de ourego
  • 1/2 bola de mozzarella
  • 60-70 gr de coliflor
  • 2-3 espárragos
  • 2-3 champiñóns

Utensilios: relador ou mandolina, unha culler, papel vexetal e unha bandexa de forno.

Elaboración: 

Para comezarmos, temos que cubrir as bandexas de forno con papel vexetal e colocar as tortillas mexicanas. Nós, neste caso, utilizamos tortillas integrais que mercamos mais deixámosvos aquí a receita por se vos apetece facelas na casa. 


A continuación, estendemos a salsa de tomate (ou salsa barbacoa ou a que máis vos guste) e empoamos cun chisco de ourego. 


De seguir, facemos as pizzas cos ingredientes que escollimos. Primeiro botamos o queixo, a mozzarella ou o relado. 


Despois, para a primeira opción, os mexillóns e as olivas, cortadas á metade. Se vos animades, probade a botar un chisco, moi chischo, do mollo que vén cos mexillóns, veredes que lle dá un toque sorprendente.


Para a segunda opción, botamos os queixos ao noso gusto: mozzarella, o queixo relado e en lascas.


E, para última opción, relamos a coliflor, cortamos en lascas os champiñóns e cortamos en anacos os espárragos. 


Enfornamos a 200º, calor arriba e abaixo, durante, aproximadamente 15 minutos, ou até que vexamos que as tortillas están douradas e o queixo fundido. 


Como vedes, son 3 opcións moi sinxelas que se fan nun momento. Ademais, o tempo que as temos no forno podemos aproveitar para adiantar outros traballos ou descansar un momento. 


Máis sinxelo imposíbel. E tedes clara cal será a opción que máis vos pracerá? Nós levamos unha sorpresa descubríndomos o toque fino e suave que lle dá a coliflor. Desde logo que esa pizza foi o descubrimento do día. Agora probaremos o resultado desta verdura con masa normal, mais todo apunta a delicia máxima!
Iso si, estas pizzas entran a toda velocidade e non vos estrañedes que logo desaparezan do prato xa que son moito máis lixeiras. Agardamos que vos gusten moitísimo! Unha forte aperta, bolboreteir@s!

15 comentarios:

  1. Mmm...idea xenial! Sorpréndeme o da coliflor.
    Noraboa pola reportaxe ������

    ResponderEliminar
    Respostas
    1. Mil grazas!! Para nós foi tamén unha sorpresa moi positiva!!
      Bicos!!

      Eliminar
  2. Enhorabuena!! os mereceis el articulo y no me extraña que os haga ilusión!! porque hasta me la hace a mi, que me siento muy cerquita de vosotros ! biquiños y las pizzas rapidas todo un acierto!

    ResponderEliminar
    Respostas
    1. Mil grazas, Vivi!! Claro que si, iso é grazas a tod@s os que estades aí día tras día animándonos a seguir 😊😍😍
      Mil grazas por todo!

      Eliminar
  3. Ayy os meus rapaces favoritos! Pero canto orgullo sinto por vos! E canto merecedes ese recoñecemento! Cando vos vin, emocioneime e todo! Unha NORABOA xigante para os dous polo voso traballo e un PARABÉNS especial para Diana porque... non pode ser máis fermosa!! Ou non sei si será mellor felicitar ó teu mozo... Parabéns para os dous!! Hahaha

    Esas pizzas teñen unha pinta espectacular e non teño nin idea de por cal delas me decantaría, pero non hai problema si me quedo coas tres, non si? Hehe

    Seguide así, rapaces!! Valedes moitísimo!!

    Unha aperta enorme e un feixe de bicos para os dous!!

    Yoly

    ResponderEliminar
    Respostas
    1. Ohhh!! Moitísimas grazas Yoly polas túas palabras, por estar sempre aí... que é o verdadeiramente importante!!
      Sii, debes quedarte coas 3 ideas, hahahaha!!!
      De novo, mil grazas por todo! Mil bicos para ti!

      Eliminar
  4. Parabéns pola receita e pola reportaxe!!!! Alegreime un montón por vós, fíxome moitísima ilusión vervos no xornal! �� Penso que vou poñer hoxe en práctica esta nova receita.��
    Seguide así, con esa ilusión que tanto vos caracteriza!
    Un bico

    Rosalía

    ResponderEliminar
    Respostas
    1. Moitísimas grazas, Rosalía!! Pois despois envíanos unha foto co resultado que seguro que vos encantan!!
      Mil bicos e grazas por todo!

      Eliminar
  5. Enhorabuena me ha encantado el articulo y conoceros un poquito mas,a ver si este verano cuando vayamos a Barreiros podemos conocernos que estamos bien cerquita.
    Las pizzas rapidas divnisimaaaaaaaaaas yo las hago mas sencillas y en el microondas cuando mi hijo y yo tenemos antojo porque las tortitas nunca faltan en mi despensa.
    Bicos mil wapa.

    ResponderEliminar
    Respostas
    1. Moitísimas grazas! Pois estaría xenial podernos coñecer!! Nós, durante o curso vivimos na Coruña, así que igual coincide tamén por aquí, hahaha!
      Bicos mil e moitas grazas!

      Eliminar
  6. Parabéns pola reportaxe na Voz de Galicia!!. Sin dúbida un recoñecemento mais que merecido, e que guapos estades ehhhhh jajajajaja. As pizzas ben ricas, calquera das tres opcións me vale, o millor un cachiño de cada e así as probo todiñas.

    Unha aperta ben grande e de novo os meus parabéns :)

    ResponderEliminar
    Respostas
    1. Moitísimas grazas!!! Hahaha xa fixemos así 3 para picotear, hahaha!,
      Mil grazas por todo e por estar sempre aí!!
      Bicos

      Eliminar
  7. Parabéns pola reportaxe na Voz de Galicia!!. Sin dúbida un recoñecemento mais que merecido, e que guapos estades ehhhhh jajajajaja. As pizzas ben ricas, calquera das tres opcións me vale, o millor un cachiño de cada e así as probo todiñas.

    Unha aperta ben grande e de novo os meus parabéns :)

    ResponderEliminar
  8. Estupendas e perfectas para os celiacos se as tortillas son de millo. Eu as fago as veces con outros ingredientes. Teño que probar estas.

    ResponderEliminar