luns, 25 de abril de 2022

Cunca de açai

Empezamos a semana cunha nova receita 🤩: CUNCA DE AÇAI 🍓🫐🍌😍 Un almorzo (ou merenda) perfecto, saudábel e moi completo. O açai está considerado coma un superalimento debido as súas múltiples propiedades beneficiosas para a saúde. Cultívase en América do Sur e púxose moi de moda nos últimos anos. 
Nós hai pouco tempo que probamos a CUNCAS DE AÇAI e desde aquela quedamos namorados e volvéronse fundamentais para nós 😍! O açai conseguímolo a través da rede, mais en grandes superficies ou herbolarios tamén o podedes comprar. Despois, é xogar cos sabores das froitas, e as texturas, e coas cantidades que son axeitadas para cada un. 


Cunca de açai




Ingredientes:

  • 300 g de froita (amorodos, froitos vermellos, manga…)*.
  • 2 plátanos, fundamentais, para dar cremosidade*.       

  • 1/2 vaso de leite ou bebida vexetal.
  • 1 cullerada de açai en po.
Para decorar: 
  • Máis froita: plátano, arandos, amorodos…
  • Granola.
  • Crema dalgún froito seco (opcional).





*Se conxelamos a froita, teremos unha textura tipo xeado. Porén, nós preferimos a froita semiconxelada, é dicir, sacámola do conxelador 30 min antes de facer a cunca, para que non estea tan fría.


Elaboración:


Para comezarmos, temos de triturar a froita xunto coa bebida e o açai.

        

Botamos a mestura nunha cunca.


Engadimos froita en anacos: plátano, arandos… e a granola, que fixemos o outro día, para darlle o toque crocante. Tamén se pode engandir unha cullerada de crema de cacahuete para darlle un toque diferente.




E xa estaría lista para comer!


Saúdabel, delicioso e refrescante❣️ Un básico xa nos nosos almorzos e merendas, e ao peque encántalle porque parece que está comendo un xeado 🍧. Probástelo algunha vez? 😊🥰🤩❤️


1 comentario:

  1. Que bueno!
    Passei para desejar uma semana feliz!
    Beijinhos,
    Espero por ti em:
    strawberrycandymoreira.blogspot.pt
    http://www.facebook.com/omeurefugioculinario
    https://www.instagram.com/marysolianimoreira

    ResponderEliminar