Boa noite, bolboreteir@s!! Como estades? Algúns xa pensaban que remataba a fin de semana sen a ansiada receita mais... non!!! Aquí chega o recheo, o corazón que dá vida á receita da pasada semana. Recordade o pan de hamburguesa de espelta integral que xa conquistou a moit@s e que actuou como contorna desda tremenda delicia con moitas menos calorías das habituais e cun sabor para sacar os ollos das cuncas.

Dixémosvos moitas veces do noso interese pola cociña vegana  xa que a consideramos pura creatividade e  aquí volvemos coller ideas dela (aínda que desta volta sumamos tamén carne). Teñen así cabida sabores moi diversos xogando cada un o papel suficiente para lograr unha delicia perfecta. Ollade:

Hamburguesa saudábel 

Ingredientes: 

Para a carne:

• 300 g de carne picada 
• 150 g de soia textutizada
• Queixos tipo “Babybell”     
• 1 cullerada de allo en po
• 1 cullerada de cebola en po
• 1 cullerada de pemento doce
• Auga
• Soia

Para a montaxe:

• Pan de hamburguesa  
• Guacamole 
• Chili con carne vegano (proximamente en IG)
• Leituga
• Queixo (opcional)

Utensilios: unha cunca, unha prancha e un aro metálico. 

Elaboración: 

Para comezarmos, temos de remollar a soia en auga cunha pouca de salsa de soia.

A continuación, mesturámola coa carne picada e as especias.

Colocamos o aro metálico e cubrimos o fondo coa mestura anterior e colocamos no centro un queixiño.

Cubrimos con máis carne. Quedan un pouco gordiñas. 

Facemos a carne na prancha. Aproveitamos, tamén, para quentar o pan. 

E só queda montar a hamburguesa. Empezamos untando no pan guacamole. 

Colocamos a carne.

A leituga e o queixo.

E o chili con carne.

Tapamos co pan.

E xa estaría lista para comer!

Pouco máis se lle pode pedir a unha hamburguesa deste tipo. Si, hai mil e unha variantes, claro, mais que sexa saudábel e que xunte tanto sabor... mmmmmm! Fica para vós. Forte aperta!!!