martes, 20 de xuño de 2017

Mesto de bisté

Bo día, bolboreteir@s! Continuamos coa tendencia das últimas semanas con pratos de comida rápida e reparamos que até o momento non había un bocadillo no blogue. Mimá! Menús de todo tipo e con alimentos varios e faltaba un clásico da nosa alimentación.
E víndonos á idea á mente pensamos naqueles bistés da matanza que tan ben sabían e que comiamos con nada máis que pan. E aínda que non contamos con materia prima de tanta calidade desta volta, decidimos retomar a idea dándolle unha volta e facendo un conxunto ben apetitoso. Ben mesto, ben substancioso. Un bocadillo con todas as letras e moi diversos sabores que casan con moito xeito.



Mesto de bisté


Ingredientes (para 2 persoas):

  • 2 anacos de pan
  • 2 filetes porco/tenreira
  • 2 follas de leituga
  • 1 aguacate
  • Uns anacos de queixo
  • 2-3 culleradas de mostaza
  • Pementa moída
  • Allo en po
  • Curry 
  • Sal
Utensilios: unha prancha, un coitelo e un prato.


Elaboración:


Primeiramente debemos abrir o pan e torralo na prancha. 


De seguir, untámolo coa mostaza e reservamos. 


Mentres tanto, adobamos os filetes co curry, o allo, a pementa moída e o sal (se queremos que teñan máis sabor, podémolo facer un par de horas antes) e fácemolos, tamén, na prancha. 


Colocamos o filete sobre o pan coa mostaza. 


Poñemos os anacos de queixo. 


E o aguacate, que podemos sazonar cun chisco de sal e pementa moída. 


E, por último, a leituga, ben lavada e seca. 


Tapamos o bocadillo coa outra tapa do pan. 


E xa estaría listo para comer! Agardamos que vos guste e que nos contedes cal é o voso bocadillo preferido!


Está claro que un bocadillo pouca ciencia de elaboración ten mais si de darmos coa clave de xuntarmos os produtos adecuados. Nós somos bastante clásicos canto a este tipo de pratos e adoitamos mesturar pan, xamón e tomate mais desta volta preparamos un mesto ben completo e diverso.
Agardamos que encontredes tanto pracer nesta combinación coma nós. Desfrutádeo! Unha fortísima aperta, amig@s!

2 comentarios:

  1. Me encanta no lo siguiente ,que sepais que ya lo he guardado en pendientes de hacer no deja de decirme comeme ,os ha quedado de relujo y seguro sabe mejor.
    Uummmmmmmmmmm relamiendome me marcho mira que sois tentadores.
    Bicos mil wap@s.

    ResponderEliminar
    Respostas
    1. Pois xa nos contarás que tal, aínda que non temos dúbida de que che vai encantar!!
      Moitos bicos e grazas por pasarte!

      Eliminar