luns, 30 de decembro de 2013

Presentación

Benvid@s!!


Bolachas
Aproveitando esta etapa que a algunhas nos concede un pouco máis de tempo libre vou aproveitar para pór en marcha algo que tiña en mente xa hai un tempo, un blogue de cociña.

Nesta bitácora dixital tentarei plasmar a miña paixón pola cociña así como ofrecer a miña pequena contribución para a consolidación do galego na rede. Aínda que non son moitos, si coñecemos un pequeno número de magníficos cadernos dedicados a expor na nosa lingua unha serie de receitas tanto galegas como doutras partes do mundo. Procuraremos pois, contribuír ao seu apreciábel labor desde aquí. Con todo, este non será un blogue dedicado exclusivamente á cociña galega, aínda que si tentaremos achegarnos sempre a ela.
Torta de chocolate e amorodos
O compromiso co idioma estará sempre presente en Bolboretas no bandullo e apoiaremos todas aquelas medidas co obxectivo de elevar o galego ao posto correspondente, tratándomos neste caso unha disciplina en auxe como a cociña. Servirémonos tamén nalgunha ocasión das posibilidades gastronómicas da nosa rica literatura podéndomos traer aos nosos días algúns pratos mencionados polos nosos autores e autoras. Recordade por exemplo aqueles versos de Cantares gallegos: “I aló no lar, ¡que fogo!, ¡que larada!, / ¡que rica e que ben feita frixolada!”.

Algúns como Álvaro Cunqueiro mesmo concretaron a súa devoción pola nosa cociña nun libro.
Madalenas de vainilla
A nosa debilidade dentro da cociña encóntrase na repostaría, tan de moda nestes últimos anos. Dedicaremos unha grande parte do noso espazo a tortas, pasteis, lambetadas e demais sobremesas coas que pór un pouco de doce nas nosas vidas. Non por isto deixaremos esquecidos aqueles comestíbeis máis sans e indispensábeis na nosa alimentación diaria, que de feito recomendaremos sempre que for posíbel. Non queremos levarvos a unha alimentación insá, aínda que ben é certo que onde estea un bo doce… Ademais que estes nos dan unhas enormes posibilidades á hora de argallarmos coa decoración, xa que, a fin de contas, polos ollos tamén se come.
Torta Kinder
Nesta páxina mostrareivos algúns produtos cos que estiven traballando ultimamente e ireivos achegando aquilo que vaia realizando. Así mesmo desexo o feedback, é dicir, estou agardando abertamente por todo aquilo que queirades preguntar, recomendar ou aconsellar (bolboretasnobandullo@gmail.com). Pretendo que este sexa un percorrido constante de artigos mais tamén de aprendizaxe tanto voso como meu. Canto ao deseño deste espazo, procuraremos melloralo e ir acrecentando apartados progresivamente, dando lugar así a un caderno dixital dinámico e que sexa agradábel de ler para tod@s vós.
Esperemos que esta carta de presentación textual e visual vos for o máis agradábel e livián posíbel; comentaremos máis nos diferentes pratos que iremos explicando paso a paso. Moitísimas grazas pola vosa lectura e ídevos preparando para a primeira receita que subiremos mañá, que xa adiantamos vai ser moi doce e saborosa. Até a próxima!!

Selva negra cuberta de fondant





9 comentarios:

  1. Benvida ao mundo dos blogs e parabéns! Ten todo unha pintaza inbrible. Espero impaciente esa primeira receita.

    ResponderEliminar
  2. Parabéns! Tamén agardo con impaciencia esa primeira receita! O blogue moi bonito, mais non esperaba menos ;-) Un bico

    Rosalía

    ResponderEliminar
  3. Parabéns pola iniciativa. Próspero 2014 para ti e o blogue.

    Marcos.

    ResponderEliminar
  4. Alégrome ben de non ser a única! Agora só me falta continuar co meu que o teño totalmente esquecido. Adiante e non deixes de publicar!

    ResponderEliminar
    Respostas
    1. Grazas polo teu comentario!! Si, debes retomalo que son moi necesarios os blogues en galego :P

      Eliminar
  5. Checking consumer reviews is crucial, as are different “tell-tale” hints corresponding to payment methods, withdrawal choices, assist, and more. Bet Online began out in the bookmaking enterprise back in New York in 1991, was launched on-line in 2001, and has been constructing an epic reputation ever since. With our strict rating methods we’ve selected Cafe Casino at #1, although we’re sure you’ll find a fantastic home anyplace on the list. Gambling is an adult exercise and no half of} this site is intended to be used by anybody beneath the legal age required to have interaction in gambling within their jurisdiction of residence. The spot shall be decided by an algorithm that is unimaginable to foretell. You can {be sure that|ensure that|make certain that} your information is fully protected by the very best encryption software, and our buyer assist group are readily available 24/7 to take care of any queries might have|you 토토사이트 may have|you may have}.

    ResponderEliminar