Hummus

Bo día, bolboreteir@s!  Traemos a segunda parte da receita do pasado martes. Da salsa tahini pasamos ao hummus, a súa concreción máis sonada. Este prato de orixe árabe estáa ganar visibilidade a pasos axigantados na gastronomía europea, entre outros motivos por ser un recurso moi habitual na alimentación vegana xa que é altamente nutritivo.

A elaboración é moi sinxela aínda que o resultado debe ser cremoso e non fiar en cemento de garavanzos (tal e como ten afirmado El comidista). 

O produto máis complexo de conseguir para o preparar é precismente a salsa tahini xa que non a hai en moitos estabelecementos, de aí a nosa recomendación de preparar tamén na casa, tal e como mostramos o pasado martes (receita aquí). Non pensedes que por ser dúas receitas, imos deixar moito tempo polo camiño... ao contrario. Aquí o tedes!

Hummus

Ingredientes:

• 400 g de garavanzos cocidos
• 2 culleradas de aceite
• 1 cullerada de zume limón
• 1 cullerada de salsa tahini
• 1 culleriña de comiño
• 1 culleriña de pemento
• 1 culleriña de ourego
• Pementa moída
• Sal
• Para acompañar: tostas, verduras... 

Utensilios: unha trituradora e unha cunca. 

Elaboración:

Para comezarmos, temos de botar na picadora os garavanzos e o tahini. 

O comiño, o pemento, o ourego. 

O aceite, o limón, o sal e a pementa. 

Trituramos moi moi ben e servimos acompañado dunhas verduras ou unhas tostas de pan. Nós, neste caso, utilizamos unhas Mariñeiras de chía, ás que non nos puidemos resistir candos as vimos no super. Se o desexades, podedes utilizar pan de pita, unha das formas tradicionais do Líbano para degustar o hummus.

Agardamos que vos guste e que a poñades en práctica. Ademais, pódese gardar no frigorífico e teremos unha cea rápida e moi saudábel para calquera día ;) Unha fortísima aperta, amig@s!