Bo día, bolbereiteirxs! Que tal? Hoxe traémosvos unhas cestiñas moi saudábeis, deliciosas e moi fáciles de facer, ademais, son moi fresquiñas para os días de calor!
Nós fixémolas como entrante, xunto cuns nachos con guacamole, para unha cea con amizades e resultaron ser todo un éxito!
Aquí vos deixamos a receita para que a poidades pór en práctica:
Cestas de ensalada caprese
Ingredientes:
- 4 láminas de masa filo
- Salsa de tomate
- Tomatiños cereixa
- Boliñas de mozzarella
- Alfábega fresca
- Pementa moída
- Sal
- AOVE
Utensilios: un molde de madalenas, papel de forno, un pincel e un coitelo.
Elaboración:
Para comezarmos, temos de estender as láminas de masa filo e pintalas con AOVE. Imos poñendo unha enriba da outra.
Cortámolas en 9 anacos e colocámlas nos moldes.
Poñemos unha cullerada de salsa de tomate.
Cortamos os tomatiños en 4 e colocamos 2 ou 3 en cada cesta.
Facemos igual coa mozzarella e botamos alfábega ao noso gusto. Salpementamos.
Enfornamos a 180º, calor arriba e abaixo, durante 15 min e deixamos que arrefríen un chisco.
Desmoldamos.
Que delicia! E como prestan para pór de entrante nunha comida ou para levar de pícnic!! Agardamos que vos gusten e que as poñades en práctica!
Aperta forte!
Lémonos pronto, bolboreteirxs!
Ningún comentario:
Publicar un comentario